వర్షాకాల అత్యవసర సేవలపై అవగాహన..

వాసవి క్లబ్ ప్రత్యేక కార్యక్రమం

నిజామాబాద్, ఆంధ్రప్రభ: వర్షాకాలంలో అత్యవసర పరిస్థితులను సమర్థంగా ఎదుర్కొనేందుకు ప్రజల్లో అవగాహన పెంపొందించాలనే లక్ష్యంతో వాసవి క్లబ్ ఇంటర్నేషనల్ ఆధ్వర్యంలో ప్రత్యేక అవగాహన కార్యక్రమం నిర్వహించారు.

వాసవి క్లబ్ ఇంటర్నేషనల్ 2026 సంవత్సర ఇంటర్నేషనల్ ప్రెసిడెంట్ Sidda Venkata Surya Prakash ఆదేశాల మేరకు జిల్లా వీ–103ఏ రీజియన్–3 పరిధిలోని వివిధ ప్రాంతాల్లో ట్రాన్స్‌ఫార్మర్లు, విద్యుత్ అత్యవసర సేవలు మరియు ఇతర అత్యవసర పరిస్థితులకు సంబంధించిన ముఖ్య ఫోన్ నంబర్లను సేకరించి ప్రజల అవగాహన కోసం ఫ్లెక్సీలు ఏర్పాటు చేశారు.

ఈ సందర్భంగా వాసవి క్లబ్ ఇంటర్నేషనల్ అడ్మినిస్ట్రేటివ్ వైస్ ప్రెసిడెంట్ Gudipalli Ramesh మాట్లాడుతూ, సమాజ చైతన్యం కోసం ఇటువంటి అవగాహన కార్యక్రమాలు నిర్వహించడం అవసరమని పేర్కొన్నారు. ప్రజలకు ఉపయోగపడే సమాచారాన్ని అందుబాటులో ఉంచేందుకు సంస్థ తరఫున అవగాహన ఫ్లెక్సీలు ఏర్పాటు చేస్తున్నామని తెలిపారు.

వచ్చే వర్షాకాలాన్ని దృష్టిలో ఉంచుకుని అత్యవసర సేవల వివరాలను ప్రజలు తెలుసుకుని అవసరమైన సందర్భాల్లో వినియోగించుకోవాలని ఆయన సూచించారు.

ఈ కార్యక్రమంలో వాసవి క్లబ్ నిజామాబాద్ అధ్యక్షుడు Kotagiri Rajeshwar, కార్యదర్శి ఎల్దా బాలరాజు, క్లబ్ సభ్యులు మరియు పలువురు ప్రముఖులు పాల్గొన్నారు.