Afghanistan | స్ట్రాంగ్ టీం రెడీ..
Afghanistan | స్ట్రాంగ్ టీం రెడీ..
- టీ20 ప్రపంచకప్ కోసం ఆఫ్ఘనిస్థాన్ జట్టు ప్రకటన
- రషీద్ ఖాన్ సారథ్యంలో 15 మంది ఎంపిక
- జట్టులో చేరిన సీనియర్ ఆటగాళ్లు
Afghanistan | వెబ్ డెస్క్, ఆంధ్రప్రభ : ఐసీసీ పురుషుల టీ20 ప్రపంచకప్ కోసం ఆప్ఘనిస్థాన్ క్రికెట్(Afghanistan Cricket) బోర్డు (ఏసీబీ) 15 మంది సభ్యులతో కూడిన జట్టును ప్రకటించింది. స్టార్ స్పిన్నర్ రషీద్ఖాన్ ఈ జట్టుకు నాయకత్వం వహించనున్నారు. అనుభవజ్ఞులైన ఆటగాళ్ల చేరికతో జట్టును మరింత బలోపేతం చేశారు. భారత్, శ్రీలంక వేదికలుగా 2026 ఫిబ్రవరిలో ఈ వరల్డ్ కప్ జరగనుంది.
ప్రధానంగా సీనియర్ ఆల్ రౌండర్ గుల్బాదిన్ నైబ్ తిరిగి జట్టులో స్థానం సంపాదించుకోగా, భుజం గాయం కారణంగా కొంతకాలం ఆటకు దూరంగా ఉన్న ఫాస్ట్ బౌలర్ నవీన్ ఉల్ హక్ పూర్తిగా కోలుకుని జట్టులోకి రీఎంట్రీ ఇచ్చాడు. స్పిన్ విభాగంలో ముజీబ్ ఉర్ రెహ్మాన్ తిరిగి రావడంతో ఇటీవల ఆకట్టుకున్న యువ స్పిన్నర్ ఏఎం ఘజన్ఫర్ను రిజర్వ్ జాబితాలో చేర్చాల్సి వచ్చింది.
వికెట్ కీపర్ బ్యాటర్ మొహమ్మద్ ఇషాక్, మిడిల్ ఆర్డర్ బ్యాటర్(middle order batter) షాహిదుల్లా కమల్ తమ స్థానాలను నిలబెట్టుకున్నారు.ప్రపంచకప్ సన్నాహకాల్లో భాగంగా ఆఫ్ఘనిస్థాన్ జట్టు జనవరి 19 నుంచి 22 వరకు యూఏఈలో వెస్టిండీస్తో మూడు మ్యాచ్ల టీ20 సిరీస్ ఆడనుంది. ఈ సిరీస్కు కూడా ఇదే జట్టును ఎంపిక చేశారు.
Afghanistan |ఆఫ్ఘనిస్థాన్ జట్టు:
రషీద్ ఖాన్ (కెప్టెన్), ఇబ్రహీం జద్రాన్ (వైస్ కెప్టెన్), రహ్మానుల్లా గుర్బాజ్ (వికెట్ కీపర్), మొహమ్మద్ ఇషాక్ (వికెట్ కీపర్), సెదికుల్లా అటల్, దర్విష్ రసూలీ, షాహిదుల్లా కమల్, అజ్మతుల్లా ఒమర్జాయ్(Azmatullah Omarzai), గుల్బాదిన్ నైబ్, మొహమ్మద్ నబీ, నూర్ అహ్మద్, ముజీబ్ ఉర్ రెహ్మాన్, నవీన్ ఉల్ హక్, ఫజల్ హక్ ఫరూఖీ, అబ్దుల్లా అహ్మద్జాయ్. రిజర్వ్ ప్లేయర్లు: ఏఎం ఘజన్ఫర్, ఇజాజ్ అహ్మద్జాయ్, జియా ఉర్ రెహ్మాన్ షరీఫి.
