2WardsFuture | లోకేశ్ బాధ్యతల స్వీకారం.. కూటమికి ‘సంజీవని’ అవుతుందా?
2WardsFuture | లోకేశ్ బాధ్యతల స్వీకారం.. కూటమికి ‘సంజీవని’ అవుతుందా?
2WardsFuture | శ్రేణుల్లో కొత్త ఊపిరి.. యువతలో భరోసా
ద్వితీయ శ్రేణి నాయకుల ఆధిపత్య పోరు – అసలు సవాలు
ప్రత్యర్థుల ఎత్తుగడలు.. అప్రమత్తంగా ఉండాలి
కూటమి ఐక్యతే విజయానికి మూలం
లోకేశ్ నాయకత్వానికి అసలైన పరీక్ష
2WardsFuture | ఆంధ్రప్రభ, వెబ్ డెస్క్ : ఏపీ అధికార తెలుగుదేశం పార్టీ పగ్గాలను నారా లోకేశ్ అధికారికంగా చేపట్టడం అనేది కేవలం ఒక వ్యక్తి పదవిని స్వీకరించడం మాత్రమే కాదు.. అది ఆంధ్రప్రదేశ్ రాజకీయాల్లో ఒక నూతన శకానికి నాంది. ఒకవైపు అధికారం, మరోవైపు అంతర్గత విభేదాలు, ఇంకో వైపు పొంచి ఉన్న రాజకీయ ప్రత్యర్థుల ఎత్తుగడలు.. ఈ ముక్కోణపు సవాళ్ల మధ్య లోకేశ్ ప్రయాణం ఇప్పుడు అత్యంత ఆసక్తికరంగా మారింది.
శ్రేణుల్లో కొత్త ఊపిరి.. యువతలో భరోసా
టీడీపీ వర్కింగ్ ప్రెసిడెంట్గా లోకేశ్ ప్రమాణ స్వీకారం టీడీపీ శ్రేణుల్లో నూతనోత్సాహాన్ని నింపుతోంది. ముఖ్యంగా పార్టీలోని యువరక్తం లోకేశ్ నాయకత్వాన్ని తమ సొంతగళంగా భావిస్తోంది. ‘పాదయాత్ర’ ద్వారా గ్రామీణ స్థాయి వరకు పార్టీని తీసుకెళ్లిన లోకేశ్ అనుభవం, ఇప్పుడు అధ్యక్ష హోదాలో పార్టీ యంత్రాంగాన్ని మరింత పటిష్టం చేయడానికి ఒక బలమైన పునాదిగా పనికొస్తుందని పార్టీ శ్రేణులు
ధృఢంగా విశ్వసిస్తున్నారు. కేవలం ముఖ్యమంత్రి చంద్రబాబు నాయుడి వారసుడిగా మాత్రమే కాకుండా, తెలుగుదేశం పార్టీ క్షేత్రస్థాయి కార్యకర్తల కష్టాన్ని, శ్రమను, సేవలను ఎరిగిన నేతగా లోకేశ్ ఎదగడం పార్టీకి అసలైన బలం.
ద్వితీయ శ్రేణినాయకుల మధ్య ఆధిపత్య పోరు లోకేశ్ ముందున్న అసలు సవాలు కానుంది.
కూటమి ప్రభుత్వం అధికారంలో ఉన్నప్పుడు సహజంగానే ద్వితీయ శ్రేణి నాయకుల మధ్య కొన్ని చోట్ల ఆధిపత్య పోరు కనిపిస్తోంది. పదవుల పంపకం దగ్గర నుంచి స్థానిక ప్రాబల్యం వరకు నేతల మధ్య నెలకొన్న అంతర్గత విభేదాలు అధిష్టానానికి కొత్త తలనొప్పులు తెస్తున్నాయి.
కూటమిలోని తెలుగుదేశం, జనసేన, మరియు బీజేపీ కేడర్ మధ్య సమన్వయం దెబ్బతినకుండా చూడటంలో లోకేశ్ తనదైన శైలిలో సంప్రదింపుల మంత్రాన్ని ప్రయోగించాల్సిన అవసరం చాలా ఉంది.
గ్రూపు రాజకీయాలకు తావు లేకుండా, పార్టీ లైన్ దాటిన వారిపై కఠినంగా ఉంటూనే, అలక పూనిన నేతలను బుజ్జగించే చాకచక్యం ఇప్పుడు లోకేశ్ నాయకత్వ పటిమకు అసలైన పరీక్ష.
ప్రత్యర్థుల ఎత్తుగడలు.. చీలిక ప్రయత్నాలను తిప్పికొట్టాలి.పార్టీని తిరిగి అధికారంలోకి తేవాలి. రాజకీయం అంటేనే అవకాశవాదం. కూటమిలో చిన్నపాటి అసమ్మతి సెగ కనిపించినా, దానిని చిచ్చుగా మార్చి ‘కూటమిలో చీలిక’ తెచ్చేందుకు ప్రత్యర్థులు పావులు కదపడం సహజం. అసంతృప్త నేతలను తమ వైపు తిప్పుకోవడం ద్వారా ప్రభుత్వాన్ని ఇరకాటంలో పెట్టాలని విపక్షాలు వ్యూహాలు రచిస్తున్న ఈ సంక్లిష్ట సమయంలో, లోకేశ్ ధృఢత్వం, చాకచక్యం చాలా కీలకం. ప్రత్యర్థుల ఎత్తుగడలను ముందే పసిగట్టి, పార్టీ శ్రేణులకు దిశానిర్దేశం చేస్తూ, కేడర్ మనోధైర్యం దెబ్బ తినకుండా చూడటంలో ఆయన చూపించే పటిష్టమైన నాయకత్వమే పార్టీకి శ్రీరామరక్ష.
కూటమి ఐక్యత అందరినీ కలుపుకుపోయే తత్వం ఈ రెండే భవిష్యత్తుని నిర్ణయిస్తాయి. కూటమి విజయవంతంగా సాగాలంటే కేవలం సీట్ల సర్దుబాటు మాత్రమే సరిపోదు, కూటమిలోని అన్ని పార్టీల, అన్ని స్థాయిల నాయకుల మనసుల కలయిక కూడా ముఖ్యం. లోకేశ్ యువతరం నాయకుడు కావడంతో, ఇతర భాగస్వామ్య పక్షాలలోని యువ నేతలతో ఆయనకు మంచి సాన్నిహిత్యం ఉంది. ఈ సాన్నిహిత్యం కూటమిలో అన్ని వర్గాల మధ్య ఐక్యత పెంచడానికి ఉపకరిస్తుంది. ప్రభుత్వ పథకాలను ప్రజల్లోకి తీసుకెళ్లడంలోనూ, పాలనాపరమైన నిర్ణయాల్లో కార్యకర్తల భాగస్వామ్యాన్ని పెంచడంలోనూ లోకేశ్ అనుసరిస్తున్న ఆధునిక దృక్పథం పార్టీని దీర్ఘకాలం అధికారంలో ఉంచేందుకు బలమైన బాటలు వేస్తుంది.
తెలుగుదేశం పార్టీ ప్రెసిడెంటుగా నారా లోకేశ్ ముందున్నది పూలపాన్పు కాదు, ముళ్ల బాట అని ఆయనకు స్పష్టంగా తెలుసు. కానీ, గత ఐదేళ్లుగా ఆయన కనబరిచిన సహనం, పోరాట పటిమ, విచక్షణ, పరిపక్వమైన ఆలోచన, మాటతీరు చూస్తుంటే.. ఈ క్లిష్ట పరిస్థితులను ఆయన సమర్థవంతంగా ఎదుర్కోగలరని అర్థమవుతోంది. వ్యక్తిగత ప్రతిష్ట కంటే పార్టీ క్రమశిక్షణే మిన్న అని చాటిచెప్పే ఆయన శైలి, తెలుగుదేశం పార్టీకి పూర్వవైభవాన్ని అందించడమే కాకుండా, కూటమి ఐక్యతను కాపాడే ఒక ‘అజేయమైన శక్తి’గా నిలుస్తుందనడంలో సందేహం లేదు.
CLICK HERE TO READ MORE AP CM | ఎన్టీఆర్ భవన్లో ఘనంగా జరిగిన బాధ్యతల స్వీకారం
