TG | రోడ్డు భద్రత నియమాలు పాటించండి

TG | రోడ్డు భద్రత నియమాలు పాటించండి

• సురక్షితంగా ఇంటికి చేరుకోండి
• ఊర్కొండ పోలీస్

TG | ఊర్కొండ, ఆంధ్రప్రభ : రోడ్డు భద్రత నియమాలు పాటిస్తూ – సురక్షితంగా వాహన చోదకులు తమ ఇంటిని చేరుకోవచ్చని ఊరుకొండ పోలీసులు అన్నారు. ఈ కంజు మండల కేంద్రంలో జాతీయ రహదారిపై రోడ్డు భద్రత వారోత్సవాల సందర్భంగా అవగాహన సదస్సు ర్యాలీ నిర్వహించారు. ఈ సందర్భంగా ఊర్కొండ పోలీసులు మాట్లాడుతూ… వాహనదారులు మద్యం సేవించి నడప రాదని, ద్విచక్ర వాహనదారులు తప్పనిసరిగా హెల్మెట్ ధరించి ప్రాణాలను రక్షించుకోవాలని అన్నారు. నాలుగు చక్రాల వాహనాదారులు తప్పనిసరిగా సీటు బెల్టు ఉపయోగించుకోవాలని తెలిపారు. హెల్మెట్ లేకుండా ద్విచక్ర వాహనదారులు వాహనాలు నడిపి అనేక ప్రమాదాలకు గురవుతున్నారని, అంతేకాకుండా కొంతమంది ప్రాణాలు కూడా పోవడం జరిగిందని పేర్కొన్నారు.

మైనర్లు వాహనాలు నడపడం చట్టరీత్యా నేరమని వారికి వాహనాలు ఇచ్చిన తల్లిదండ్రులపై కేసులు నమోదు చేయడం జరుగుతుందని హెచ్చరించారు. వాహనాదారులు ప్రతి ఒక్కరూ రోడ్డు భద్రతపై అవగాహన కలిగి ఉండాలని సూచించారు. వాహనదారులు అతివేగంగా వాహనాలను నడపరాదని నిర్దేశించిన వేగంతోనే గమ్యాన్ని చేరుకోవాలని వాహన చోదకులకు తెలిపారు. ఈ కార్యక్రమంలో స్థానిక పోలీసులు, హెడ్ కానిస్టేబుల్ వెంకోజి, మహమూద్, కానిస్టేబుల్ విజయక్రాంతి, తిరుపతి, ఉరుకొండ మాజీ సర్పంచ్ మ్యాకల శ్రీనివాసులు, నాయకులు బ్రహ్మచారి రాజు, సందీప్,హరీష్, ఆకాష్, వాహనచోదకులు బాటసారులు పాల్గొనారు.