Problem | దుర్వాసన మటుమాయం
Problem | దుర్వాసన మటుమాయం
Problem | ఆంధ్రప్రభ వెబ్డెస్క్ : వేసవిలో చాలామంది అధిక చెమటతో ఇబ్బంది పడుతుంటారు. చెమట రావడం మంచితే అయినా ఎక్కువగా రావడం వల్ల శరీరం నుంచి దుర్వాసన వస్తుంది. దీనివల్ల మనకే కాదు.. పక్కవారికి కూడా అసౌకర్యం కలిగిస్తుంది. చాలా మంది ఈ శరీర దుర్వాసనను తగ్గించుకోవడానికి డియోడరెంట్స్, స్ప్రేలు వాడుతుంటారు. కానీ వాటి ప్రభావం కొన్ని గంటలు మాత్రమే ఉంటుంది. అయితే కొన్ని చిట్కాలు పాటిస్తే చెమట సమస్య నుంచి బయటపడవచ్చని వైద్య నిపుణులు చెబుతున్నారు.
తీసుకోవాల్సిన జాగ్రత్తలు
- ప్రతీఒక్కరికీ వ్యక్తిగత పరిశుభ్రత అవసరం
- రోజుకు రెండుసార్లు స్నానం చేస్తే మంచిది.
- యాంటీ బాక్టీరియల్ సబ్బులను ఉపయోగించాలి.
- దీని ద్వారా చర్మంపై ఉన్న బ్యాక్టీరియా నశిస్తుంది.
- ఘాటైన వాసన వచ్చే ఆహారాలు, ఉల్లిపాయలు, వెల్లుల్లి, మాంసాహారాన్ని తగ్గించాలి.
- కాటన్ దుస్తులను ధరించడం వల్ల చెమట బాగా పీల్చుకుని, గాలి ఆడేలా చేస్తుంది.
- స్నానం చేసే నీటిలో కొద్దిగా నిమ్మరసం వేసుకుంటే మంచిది.
- అలాగే స్నానం సమయంలో చంకలలో బేకింగ్ సోడాను ఉపయోగించడం వల్ల దుర్వాసన తగ్గుతుంది.
- ఎక్కువ నీరు తాగడం వల్ల శరీరం చల్లబడి, విషపదార్థాలు బయటకు పోతాయి.
- చంకలలో హెయిర్ను తొలగించడం వల్ల బ్యాక్టీరియా చేరే అవకాశం తగ్గుతుంది.
- స్నానం చేసిన తర్వాత చంకలు, పాదాలు, చర్మం మడతలు ఉండే ప్రాంతాల్ని తడి లేకుండా పూర్తిగా తుడుచుకోవాలి.
- డియోడరెంట్స్ వాడొచ్చు కానీ.. ఇవి కొన్ని గంటలు మాత్రమే ప్రభావం చూపిస్తాయి.
- కారం ఎక్కువగా ఉండే పదార్థాలు, కెఫీన్ (కాఫీ, టీ), వెల్లుల్లి వంటి ఘాటైన వాసన వచ్చే ఆహార పదార్థాల్ని తగ్గించాలి.
- తాజా పండ్లు, కూరగాయలు ఎక్కువగా తీసుకోవడం వల్ల శరీరం సహజమైన సమతుల్యతను కలిగి ఉంటుంది.
- ఉక్కపోతగా ఉన్నప్పుడు లేదా చెమట పట్టిన వెంటనే బట్టలు మార్చుకోవడం మంచిది.
- పాదాలకు పౌడర్లు లేదా ఫుట్ స్ప్రేలను ఉపయోగించడం ద్వారా దుర్వాసనను అరికట్టొచ్చు.
- రోజంతా షూస్ వేసుకునే వారు కాటన్ సాక్స్లు మాత్రమే వాడాలి. వాటిని ప్రతిరోజూ మార్చాలి.
- వీలైతే ఆఫీసులో ఉన్నప్పుడు కాసేపు షూస్ తీసి పాదాలకు గాలి తగిలేలా చూడండి.
CLICK HERE TO READ 30 years | చిన్న లక్షణాలను నిర్లక్ష్యం చేస్తే… పెద్ద సమస్యలకు దారితీయొచ్చు!
