తిరుపతిలో చెన్నై లవ్ స్టోరీ గ్రాండ్ మ్యూజికల్ ఫెస్ట్..

తిరుపతిలో చెన్నై లవ్ స్టోరీ గ్రాండ్ మ్యూజికల్ ఫెస్ట్..

ఆంధ్రప్రభ వెబ్ డెస్క్ : హీరో కిరణ్ అబ్బవరం చెన్నై లవ్ స్టోరీ మూవీ నుంచి మరో సెన్సేషనల్ సాంగ్ రాబోతోంది. ఈ సినిమా నుంచి ఇప్పటికే రిలీజ్ చేసిన రెండు సాంగ్స్ తొలి ప్రేమేం తోపు కాదే.., వదలనే.. సూపర్ హిట్ అయ్యాయి. ఇప్పుడు మూడో పాట జిగితార.. రిలీజ్ అనౌన్స్ మెంట్ చేశారు మేకర్స్. ఈ నెల 20న తిరుపతిలో గ్రాండ్ మ్యూజికల్ ఫెస్ట్ నిర్వహిస్తున్నారు. భారీ స్థాయిలో ఈ ఈవెంట్ నిర్వహించబోతున్నారు. మెలొడీ బ్రహ్మ మణిశర్మ మ్యూజిక్ లోని మ్యాజిక్ ను లైవ్ లో చూసేందుకు ఈ మ్యూజికల్ ఫెస్ట్ లో పెద్ద సంఖ్యలో ప్రేక్షకులు పాల్గొనబోతున్నారు. ఈ నేపథ్యంలో చెన్నై లవ్ స్టోరీ మూవీ తిరుపతి మ్యూజికల్ ఫెస్ట్ అనౌన్స్ మెంట్ సోషల్ మీడియాలో వైరల్ గా మారింది.

చెన్నై లవ్ స్టోరీ సినిమాలో శ్రీ గౌరి ప్రియ హీరోయిన్ నటిస్తోంది. కలర్ ఫొటో, బేబి వంటి కల్ట్ క్లాసిక్ మూవీస్ ప్రేక్షకులకు అందించిన మేకర్స్ ఎస్ కేఎన్, సాయి రాజేశ్ కాంబినేషన్ లో ఈ సినిమా రూపొందుతోంది. ఈ చిత్రాన్ని అమృత ప్రొడక్షన్స్, మాస్ మూవీ మేకర్స్ బ్యానర్స్ పై ఎస్ కేఎన్, సాయి రాజేశ్ నిర్మిస్తున్నారు. సాయి రాజేశ్ కథను అందించగా రవి నంబూరి దర్శకత్వం వహిస్తున్నారు. ప్రస్తుతం చెన్నై లవ్ స్టోరీ సినిమా పోస్ట్ ప్రొడక్షన్ కార్యక్రమాలు ఫుల్ స్వింగ్ లో జరుగుతున్నాయి. జూలైలో ఈ చిత్రాన్ని గ్రాండ్ థియేట్రికల్ రిలీజ్ కు తీసుకొచ్చేందుకు మేకర్స్ ప్లాన్ చేస్తున్నారు.