Sachin Tendulkar | భారత మాజీ క్రికెట్ దిగ్గజం స‌చిన్ టెండూల్క‌ర్‌

మొక్క నాటుదాం.. భవిష్యత్తును ర‌క్షిద్దాం

Sachin Tendulkar | ఆంధ్ర‌ప్ర‌భ వెబ్‌డెస్క్ : ప్రపంచ పర్యావరణ దినోత్సవం సందర్భంగా భారత మాజీ క్రికెట్ దిగ్గజం సచిన్ టెండూల్కర్ (సచిన్ ఫౌండేషన్) ప్రకృతి పరిరక్షణ, పచ్చదనం పెంపుపై ప్రత్యేక సందేశాన్ని ఇచ్చారు. “ఒక మొక్క నాటుదాం.. భవిష్యత్తును సురక్షితం చేసుకుందాం” (Ek Ped Maa Ke Naam) అనే నినాదంతో ప్రజలందరూ కలిసి భావితరాల కోసం ఆరోగ్యకరమైన భారతదేశాన్ని నిర్మించాలని పిలుపునిచ్చారు

పర్యావరణంతో మానవ సమాజం గాఢంగా అనుసంధానమై ఉంటుందని, ఆ అనుబంధాన్ని కాపాడుకుంటూనే అభివృద్ధి సాధించాల్సిన అవసరం ఉందని సచిన్ టెండుల్క‌ర్ పేర్కొన్నారు. ప్రపంచ పర్యావరణ దినోత్సవం సందర్భంగా ఆయ‌న మాట్లాడుతూ.. సమాజం తన చుట్టూ ఉన్న ప్రకృతితో సమతౌల్యంగా జీవించినప్పుడే నిజమైన అభివృద్ధి సాధ్యమవుతుందని అభిప్రాయపడ్డారు. ఆశను సృష్టించడం, సహజ వనరులను కాపాడుకోవడం, భవిష్యత్ తరాలకు మెరుగైన ప్రపంచాన్ని అందించడం వంటి అంశాలే అత్యంత అర్థవంతమైన పురోగతిగా నిలుస్తాయని ఆయన వ్యాఖ్యానించారు. పర్యావరణ పరిరక్షణ కేవలం ఒక రోజు కార్యక్రమం కాకుండా నిరంతర బాధ్యతగా కొనసాగాలని ఆయన పరోక్షంగా సూచించారు. ప్రతి వ్యక్తి తన వంతుగా ప్రకృతి సంరక్షణలో భాగస్వామ్యం కావాలన్నారు.