శ్రీకాకుళం నుంచి చిత్తూరు వరకు నకిలీ మద్యం..
- సూత్రధారులు చంద్రబాబు. లోకేష్…
- దమ్ముంటే సీబీఐ విచారణ జరిపించండి..
- ఎన్టీఆర్ జిల్లా వైసీపీ అధ్యక్షుడు దేవినేని అవినాష్…
( ఆంధ్రప్రభ, ఎన్టీఆర్ బ్యూరో ) : చంద్రబాబు (Chandrababu) , లోకేష్ ధన దాహానికి అమాయక ప్రజలు బలవుతున్నారని వైయస్సార్ కాంగ్రెస్ పార్టీ ఎన్టీఆర్ జిల్లా అధ్యక్షుడు దేవినేని అవినాష్ విమర్శించారు. రాష్ట్రవ్యాప్తంగా నకిలీ మద్యంతో ప్రజల ప్రాణాలతో ప్రభుత్వం చెలగాటమాడుతుందని ఆరోపించారు.వి జయవాడలోని ఎక్సైజ్ కార్యాలయం ఎదుట మంగళవారం వైఎస్సార్సీపీ ఆధ్వర్యంలో నకిలీ మద్యాన్ని అరికట్టాలంటూ మంగళవారం పెద్ద ఎత్తున ఆందోళన చేశారు.
ఎన్టీఆర్ జిల్లా వైఎస్సార్సీపీ అధ్యక్షుడు అవినాష్ (Avinash) ఆధ్వర్యంలో నిరసన తెలిపిన నాయకులు, కార్యకర్తలు పార్టీ శ్రేణులు రాష్ట్రంలో నకిలీ మద్యాన్ని అరికట్టి, ప్రజల ప్రాణాలు కాపాడాలని, నకిలీ మద్యం దందాపై సీబీఐతో దర్యాప్తు జరిగేలా చూడాలని నినాదాలు చేస్తూ డిమాండ్ చేశారు. అనంతరం విజయవాడ తూర్పు నియోజకవర్గ ప్రొహిబిషన్ అండ్ ఎక్సైజ్ సర్కిల్ ఇంస్పెక్టర్ పెద్ది రాజు కి వినతి పత్రాన్ని అందజేశారు.
ఈ సందర్భంగా ఎన్టీఆర్ జిల్లా వైఎస్సార్సీపీ అధ్యక్షుడు అవినాష్ మాట్లాడుతూ… కూటమి ప్రభుత్వం లో అధికారంలోకి వచ్చిన తర్వాత నకిలీ మద్యం రాష్ట్రం మొత్తం ఏరులై పారుతోందన్నారు. చిత్తూరు జిల్లా లో టిడిపి నాయకుడు జయచంద్ర, అతని అనుచరులు నకిలీ మద్యం తయారు చేశారని, శ్రీకాకుళం జిల్లా నుంచి చిత్తూరు జిల్లా (Chittoor District) వరకు ఈ నకిలీ మద్యం తయారీ చేస్తున్నారని ఆరోపించారు. టిడిపి నాయకులు నకిలీ మద్యం తయారీ చేసి.. బెల్ట్ షాపులు ఏర్పాటు చేసి అమ్మకాలు జరుపుతున్నారని, మీ డబ్బులు కక్కుర్తి కోసం ప్రజల ప్రాణాలు తీసేస్తున్నారని విమర్శించారు.
ఈ నకిలీ మద్యం (Fake liquor) వ్యవహారాన్ని వైసీపీకి అంటగట్టాలని అధికార పార్టీ చూస్తుందని ఆరోపించారు. వైసీపీ హయాంలో నకిలీ మద్యం తయారు చెయ్యలేదని, మహిళల కి మాట ఇచ్చి మద్యాన్ని కంట్రోల్ చేశామన్నారు. నాణ్యమైన మందు అని చెప్పి కూటమి ప్రభుత్వం నకిలీ మద్యం సరఫరా చేస్తున్నారని, నకిలీ మద్యం తయారీ కి బ్య్యాక్ గ్రౌండ్ చంద్ర బాబు నాయుడు, నారా లోకేష్, టీడీపీ నాయకులేనన్నారు. కూటమి ప్రభుత్వానికి దమ్ము ఉంటే.. సీబీఐ ఎంక్వైరీ జరిపించాలని డిమాండ్ చేశారు.
