నేడు చిట్యాలలో ఎస్సీ యాక్షన్ ప్లాన్ పథకాల ఇంటర్వ్యూలు
నేడు చిట్యాలలో ఎస్సీ యాక్షన్ ప్లాన్ పథకాల ఇంటర్వ్యూలు
చిట్యాల, ఆంధ్రప్రభ : చిట్యాల మండల పరిధిలోని షెడ్యూల్డ్ కులాల అభ్యర్థులకు 2025-26 సంవత్సరానికి గానూ ఎస్సీ యాక్షన్ ప్లాన్ కింద వివిధ పథకాలకు ఎంపిక చేసేందుకు మే 7వ తేదీన ఇంటర్వ్యూలు నిర్వహించనున్నట్లు మండల పరిషత్ అభివృద్ధి అధికారి శ్రీమతి ఎస్.పి. జయలక్ష్మి ఒక ప్రకటనలో తెలిపారు.
జిల్లా కలెక్టర్ ఆదేశాల మేరకు మండల స్థాయి కమిటీ ద్వారా ఈ ఎంపిక ప్రక్రియ జరుగుతుందని ఆమె పేర్కొన్నారు. మండల పరిధిలోని వివిధ గ్రామ పంచాయతీల నుండి దరఖాస్తు చేసుకున్న అభ్యర్థులకు ఈ ఇంటర్వ్యూలు జరుగుతాయని, అర్హులైన అభ్యర్థులు సరైన ధృవపత్రాలతో మే 7వ తేదీ ఉదయం 11 గంటలకు మండల పరిషత్ కార్యాలయం మీటింగ్ హాల్లో ఇంటర్వ్యూలకు హాజరు కావాలని ఆమె సూచించారు.
