NH44 | 7 కార్లు నుజ్జునుజ్జు!
NH44 | 7 కార్లు నుజ్జునుజ్జు!
NH44 | చంద్రాయన్ పల్లి సమీపంలో జరిగిన ఘోర ఘటన వివరాలు
ట్రక్ టైర్ పేలడంతో ప్రారంభమైన ప్రమాద శ్రేణి
ఏడు కార్లు, లారీ ఢీకొని భారీ నష్టం
అదృష్టవశాత్తు తప్పిన ప్రాణనష్టం – పోలీసులు దర్యాప్తు
NH44 | ఆంధ్రప్రభ, వెబ్ డెస్క్ : నిజామాబాద్ జిల్లా ఇందల్వాయి మండలం చంద్రాయన్ పల్లి సమీపంలోని 44వ జాతీయ రహదారిపై భారీ రోడ్డు ప్రమాదం చోటుచేసుకుని హైవేపై తీవ్ర కలకలం రేపింది. ఒక్కసారిగా జరిగిన వరుస ఢీకొనలతో రహదారిపై ప్రయాణిస్తున్న వాహనదారులు భయభ్రాంతులకు గురయ్యారు.
ప్రాథమిక సమాచారం ప్రకారం.. హైవేపై వెళ్తున్న ఒక ట్రక్ టైర్ ఒక్కసారిగా పేలిపోవడంతో ఆ వాహనం మధ్యలోనే ఆగిపోయింది. అదే సమయంలో వెనుక నుంచి వేగంగా వస్తున్న వాహనాలు ఆగిన ట్రక్ను గమనించేలోపే వరుసగా ఢీకొన్నాయి. దీంతో ఏడు కార్లు ఒకదానికొకటి బలంగా ఢీకొని భారీ నష్టం జరిగింది.
ఈ క్రమంలో పరిస్థితి మరింత తీవ్రంగా మారింది. వెనుక నుంచి వేగంగా వచ్చిన కొబ్బరి బొండాల లారీ నియంత్రణ కోల్పోయి కార్లను పక్క నుంచి బలంగా ఢీకొట్టింది. అనంతరం ఆ లారీ రోడ్డు పక్కన ఉన్న పొలాల్లోకి దూసుకెళ్లింది.
ఈ భీకర ప్రమాదంతో పలు వాహనాలు పూర్తిగా దెబ్బతిన్నాయి. కార్లు నుజ్జునుజ్జయిన దృశ్యాలు అక్కడ భయానక వాతావరణాన్ని సృష్టించాయి. అయితే అదృష్టవశాత్తు పెద్ద ప్రాణనష్టం జరగకపోవడంతో వాహనదారులు ఊపిరి పీల్చుకున్నారు. కొంతమందికి స్వల్ప గాయాలు మాత్రమే అయినట్లు సమాచారం.
స్థానిక పోలీసులు ఘటన స్థలానికి చేరుకుని ట్రాఫిక్ను క్లియర్ చేసి, ప్రమాదానికి గల కారణాలపై దర్యాప్తు ప్రారంభించారు. హైవేపై ఇలాంటి వరుస ప్రమాదాలు జరగకుండా భద్రతా చర్యలు తీసుకోవాలని ప్రయాణికులు కోరుతున్నారు.click here to rea
