మాది రైతు పక్షపాత ప్రభుత్వం…

మాది రైతు పక్షపాత ప్రభుత్వం…

ఇబ్రహీంపట్నం, ఆంధ్రప్రభ : “మాది రైతు పక్షపాత ప్రభుత్వం” అని, అకాల వర్షానికి నష్టపోయిన మొక్కజొన్న రైతులను తప్పకుండా ఆదుకుంటామని టీడీపీ రాష్ట్ర కార్యనిర్వాహక కార్యదర్శి జంపాల సీతారామయ్య, టీడీపీ జిల్లా ప్రధాన కార్యదర్శి చెన్నుబోయిన చిట్టిబాబు, మరియు జనసేన పార్టీ మైలవరం నియోజకవర్గ ఇన్-చార్జ్ అక్కల గాంధీ తెలిపారు.

మండల పరిధిలోని కొటికలపూడిలో ఈదురుగాలులు, అకాల వర్షం వల్ల నష్టపోయిన మొక్కజొన్న పంటను వ్యవసాయ శాఖ అధికారులతో కలిసి కూటమి నాయకులు శుక్రవారం పరిశీలించారు.

ఈ సందర్భంగా వారు తెలిపారు: కూటమి ప్రభుత్వం ఎన్నికల హామీ మేరకు రైతుకి పెట్టుబడి సాయం కింద ప్రతి ఎటా రూ.20,000 అందిస్తుందని. గతంలో రైతులు ధాన్యాన్ని మిల్లులకు తరలించి, మిల్లర్లు, అధికారులు, నాయకుల చుట్టూ డబ్బులు కోసం నెలల తరబడి తిరిగేవారని, కూటమి ప్రభుత్వం వచ్చిన తర్వాత 24 గంటల్లోనే రైతుల ఖాతాల్లో నగదు జమ చేస్తోందని పేర్కొన్నారు.

రైతు పక్షపాతి అని చెప్పడానికి ఇదే నిదర్శనం అని చెప్పారు. అలాగే ప్రభుత్వం సబ్సిడీ పై ఆధునిక యంత్రాలను అందిస్తుందని, ఏఐ టెక్నాలజీ సహాయంతో ఏ పంటకు డిమాండ్ ఉంటే ఆ పంటను సాగు చేయించగలిగే విధంగా ఏర్పాట్లు చేస్తుందని తెలిపారు.

అకాల వర్షానికి నష్టపోయిన రైతులను ఆదుకునేందుకు ప్రభుత్వం సిద్ధంగా ఉందని, అధికారుల ద్వారా ఎన్యుమరేషన్ చేయించి పరిహారం చెల్లించడానికి ఏర్పాట్లు చేస్తోందని తెలియజేశారు.

ఎంపీ, ఎమ్మెల్యేలను విమర్శించే అర్హత జోగికి లేదు : జంపాల

టీడీపీ రాష్ట్ర కార్యనిర్వాహక కార్యదర్శి జంపాల సీతారామయ్య అభిప్రాయపడ్డారు: ఎంపీ కేశినేని శివనాథ్ (చిన్ని), ఎమ్మెల్యే వసంత కృష్ణప్రసాద్ గురించి మాట్లాడే అర్హత మాజీ మంత్రి జోగి రమేష్ కు లేదని.

గత ప్రభుత్వంలో రైతులు ఎదుర్కొన్న ఇబ్బందులు రాష్ట్ర ప్రజలకు తెలిసిందే. ఇప్పుడు రైతులపై విమర్శలు చేయడం, అవినీతి విషయాలను మాత్రమే చెప్పడం జరిగింది. 2.85 లక్షల మెజారిటీతో గెలిచిన ఎంపీ కేశినేని చిన్ని, మైలవరం నియోజకవర్గంలో రాయనపాడు రైల్వేస్టేషన్ అభివృద్ధి చేశారని, కొండపల్లి రైల్వే స్టేషన్ అభివృద్ధికి రూ.10 కోట్లు మంజూరు చేశారని చెప్పారు.

కొండపల్లి – ఈలప్రోలు మార్గంలో అండర్ బ్రిడ్జ్, మచిలీపట్నం వరకు 65వ నంబర్ జాతీయ రహదారి, కొండపల్లి నుంచి విజయవాడ వరకు రైలు మార్గంలో డ్రెయినేజీ, హైవే వద్ద సర్వీస్ రోడ్లు మంజూరు అయ్యాయని పేర్కొన్నారు.

జోగి రమేష్‌కు అభివృద్ధి అంటే తెలియదు, అవినీతి మాత్రమే తెలుసు, ఆయన అవినీతికి బ్రాండ్ అంబాసిడర్ అని విమర్శించారు. పెడన నియోజకవర్గంలో రైతుల భూములను కొట్టేయడం, ఉద్యోగాలు, బదిలీలు ఇచ్చే బరుకు డబ్బుల వసూలు వంటి విషయాలు వెలుగులోకి వస్తున్నాయని జంపాల సీతారామయ్య అన్నారు.

ఒకసారి రాజశేఖర్ రెడ్డి గాలిలో, రెండోసారి జగన్మోహన్ రెడ్డి గాలిలో జోగి ఎమ్మెల్యేగా గెలిచాడు, కానీ ఆయన వీరుడేమీ కాదు. గ్రామ స్థాయిలోనే ఆయన స్థానం ఉందని పేర్కొన్నారు. అవినీతికి పాల్పడిన జోగి గత ఎన్నికల్లో పెడనలో పోటీ చేయలేక పెనమలూరు పారిపోయారని పేర్కొన్నారు.

జంపాల సీతారామయ్య సవాల్ విసరారు: జోగికి దమ్ము ఉంటే, వచ్చే ఎన్నికల్లో పెడన నుంచి మళ్లీ పోటీ చేయాలి. పెడన నియోజకవర్గంలో జోగి అభివృద్ధి, అవినీతిపై బహిరంగ చర్చకు టీడీపీ సిద్ధంగా ఉంది. జోగి సిద్ధమేనా? అని ప్రశ్నించారు.

కార్యక్రమంలో పాల్గొన్నవారు: టీడీపీ మండల అధ్యక్షుడు పేదర్ల రవి, కొటికలపూడి గ్రామ పార్టీ అధ్యక్షుడు అర్జా సుధాకర్, మాజీ సర్పంచ్ మల్నీడి రామారావు, ఎస్సీ సెల్ మండల అధ్యక్షుడు పాగి చిన వెంకటేశ్వరరావు, యెడ్లూరి పూర్ణచంద్రరావు, కొండపల్లి మున్సిపల్ కో-ఆప్షన్ సభ్యుడు మహబూబ్ సుభాని, జిల్లా వ్యవసాయ శాఖ అధికారి విజయ కుమారి, మండల వ్యవసాయ శాఖ అధికారి వై.రజిని తదితరులు పాల్గొన్నారు.