దాండియా ఆట వద్ద ఘర్షణ
కామారెడ్డి ప్రతినిధి, ఆంధ్రప్రభ : కామారెడ్డి(Kamareddy) పట్టణంలో గురువారం అర్ధరాత్రి కత్తిపోట్లు కలకలం రేపాయి. పది రోజుల పాటు ప్రశాంతంగా సాగిన నవరాత్రి ఉత్సవాలు ఒక్కసారిగా ఘర్షణ వాతావ‌ర‌ణం నెల‌కొని క‌త్తిపోట్ల‌కు దారితీయ‌డంతో ఉద్రిక్తత చోటు చేసుకుంది. ఈ ఘ‌ర్ష‌ణ‌లో ఐదుగురు గాయ‌ప‌డ్డారు. దీంతో గ్రామంలో ఎప్పుడు ఎలా ఉంటుందో అని గ్రామ‌స్థులు భ‌యాందోళ‌న‌తో ఉన్నారు.
కామారెడ్డి పట్టణంలోని పాత బస్టాండ్ ప్రాంతంలో దుర్గానవరాత్రి ఉత్సవాల సందర్భంగా పలు చోట్ల దాండియా ఆడారు. దాండియా(Dandiya) వద్ద రెండు గ్రూపుల మధ్య ఘర్షణ చోటు చేసుకుంది. ఈ క్రమంలో రెండు గ్రూపులకు చెందిన యువకులు మద్యం మత్తులో ఒకరిపై ఒకరు పరస్పరం దాడి చేసుకున్నారు. కొందరు యువకులు వెంట తెచ్చుకున్న కత్తుల(Kattula)తో దాడికి పాల్పడటంతో ఉద్రిక్తత చోటు చేసుకుంది.
దాడిలో ఐదుగురు యువకులకు మెడ, పొట్ట, వీపు భాగాలలో గాయాలయ్యాయి. గాయపడ్డ వారిని చికిత్స నిమిత్తం పోలీసులు జీజీహెచ్(Police GGH)కు తరలించారు. క్షతగాత్రులు రాహుల్, మణిరాజు, మణికంఠం(Manikantham), కిరణ్, బాలాజీలుగా గుర్తించారు. జీజీహెచ్ ఎదుట మళ్లీ రెండు గ్రూపుల మధ్య గొడవ జరగడంతో పోలీసులు చెదరగొట్టారు. పోలీసులు కేసు నమోదు చేసుకుని దర్యాప్తు చేస్తున్నారు.
