Rs1600CR | వందల కోట్ల కుంభకోణం ఆరోపణల వెనుక అసలు నిజమేంటి?

Rs1600CR | వందల కోట్ల కుంభకోణం ఆరోపణల వెనుక అసలు నిజమేంటి?

Rs1600CR | న్యాయపరమైన చిక్కుముడులను విప్పిన లాయర్
రాష్ట్రవ్యాప్తంగా సంచలనంగా మారిన మంగ్లీ ఇష్యూ
తొలిసారి స్పందించిన లాయర్ సుబ్బు
ఇది క్రిమినల్ కాదు… సివిల్ వివాదమే!
కోర్టు ద్వారానే నిజాలు వెలుగులోకి

Rs1600CR | ఆంధ్రప్రభ వెబ్ డెస్క్ : గత కొద్దిరోజులుగా సోషల్ మీడియా, రాజకీయ వర్గాల్లో ప్రముఖ ఫోక్ సింగర్ మంగ్లీ చుట్టూ తిరుగుతున్న వివాదం రాష్ట్రవ్యాప్తంగా పెను సంచలనంగా మారింది. ఈ వ్యవహారంలో ఒకవైపు రూ.150 కోట్ల స్కామ్ అని, మరోవైపు ఏకంగా రూ.1600 కోట్ల మేర అవకతవకలు జరిగాయని వస్తున్న ఆరోపణలు సామాన్య ప్రజలను విస్మయానికి గురిచేస్తున్నాయి. పరస్పర విరుద్ధమైన కథనాలు, భిన్నాభిప్రాయాల మధ్య ఈ వివాదం రోజుకో మలుపు తిరుగుతోంది.

తొలిసారి నోరు విప్పిన లాయర్ సుబ్బు:

ఈ భారీ స్కామ్ ఆరోపణలను మొదటిసారిగా వెలుగులోకి తీసుకువచ్చిన లాయర్ సుబ్బు, తాజాగా ‘ఆంధ్రప్రభ’తో ప్రత్యేకంగా మాట్లాడారు. ఈ వివాదానికి సంబంధించిన న్యాయపరమైన కోణాలను ఆయన కూలంకషంగా వివరించారు. మంగ్లీ వ్యవహారంపై జరుగుతున్న ప్రచారంలో వాస్తవమెంత? చట్టం ఏం చెబుతోంది? అన్న విషయాలపై ఆయన కీలక వివరాలు వెల్లడించారు.

క్రిమినల్ కేసు కాదు.. కేవలం సివిల్ వివాదమే!

ఈ సందర్భంగా లాయర్ సుబ్బు ఒక ముఖ్యమైన విషయాన్ని స్పష్టం చేశారు. “ప్రస్తుతం చర్చ జరుగుతున్న ఈ వ్యవహారం క్రిమినల్ కేసు పరిధిలోకి రాదు. ఇది పూర్తిగా ‘సివిల్ నేచర్’ (Civil Nature) ఉన్న అంశం” అని ఆయన వివరించారు. సాధారణంగా దొంగతనాలు, దాడుల వంటి ఘటనల మీద పోలీసులు క్రిమినల్ కేసులు నమోదు చేస్తారని.. కానీ భూ వివాదాలు, ఆస్తుల పంపకాలు లేదా ఆర్థిక లావాదేవీలకు సంబంధించిన చిక్కులు సివిల్ పరిధిలోకి వస్తాయని ఆయన తెలిపారు.

పోలీస్ స్టేషన్ కాదు.. కోర్టు ద్వారానే పరిష్కారం:

ఇలాంటి సివిల్ వివాదాల విషయంలో పోలీస్ స్టేషన్‌లో ఫిర్యాదు చేసినా ఆశించిన పరిష్కారం లభించదని లాయర్ సుబ్బు పేర్కొన్నారు. ఇలాంటి సమస్యలకు న్యాయస్థానమే సరైన వేదికని, కోర్టు ద్వారానే బాధితులు న్యాయం పొందాల్సి ఉంటుందని ఆయన సూచించారు. మంగ్లీ వ్యవహారంపై వస్తున్న ఆరోపణలు, ప్రచారాల వెనుక అసలు నిజాలు నిగ్గు తేలాలంటే చట్టపరమైన ప్రక్రియ పూర్తి కావాలని, అప్పుడే వాస్తవాలు వెలుగులోకి వస్తాయని ఆయన అభిప్రాయపడ్డారు.

మరిన్ని ఆసక్తికర విశేషాల కోసం..
లాయర్ సుబ్బు వెల్లడించిన మరిన్ని సంచలన నిజాలు, ఈ వివాదంలోని లోతుపాతులు, న్యాయపరమైన విశ్లేషణల కోసం ‘ఆంధ్రప్రభ’ చేసిన పూర్తి ఇంటర్వ్యూను దిగువ లింకులో వీక్షించవచ్చు. అసలు ఈ వందల కోట్ల ఆరోపణల వెనుక ఉన్న కథాకమీమామిషు ఏంటో మీరే తెలుసుకోండి.