TDP | ఎన్నికల హామీను నిలబెట్టారు
తుగ్గలి, ఆంధ్రప్రభ : మండలంలోని మారెళ్ళ-బొందిమడుగుల గ్రామాల మధ్య కృంగిపోయిన బ్రిడ్జిను నిర్మిస్తానని ఎన్నికల సమయంలో అప్పటి టీడీపి అభ్యర్థి, ప్రస్తుత ఎమ్మెల్యే కె ఈ శ్యామ్ కుమార్ ఇచ్చిన హామీ మేరకు ఇప్పుడు బ్రిడ్జి నిర్మాణ పనులు పూర్తి చేయించి ఎన్నికల హామీను నిలబెట్టారని టీడీపి మండల కన్వీనర్ తిరుపాల్ నాయుడు, సర్పంచ్ సలహాదారుడు ప్రతాప్ యాదవ్, మార్కెట్ (Market) యార్డ్ డైరెక్టర్ మోహన్ తదితరులు పేర్కొన్నారు. గురువారం వారు పూర్తయిన బ్రిడ్జిని పరిశీలించారు. ఈ సందర్భంగా వారు మాట్లాడుతూ గత వైకాపా ప్రభుత్వంలో బ్రిడ్జి నిర్మించాలని ఎన్నిసార్లు ప్రజలు కోరినప్పటికీ ఆ ప్రభుత్వం పట్టించుకోలేదన్నారు. దీంతో ఎన్నికల పూర్తయిన వెంటనే ఎమ్మెల్యే కె ఈ శ్యామ్ కుమార్ ప్రత్యేక చొరవ తీసుకొని బ్రిడ్జి నిర్మాణ పనులు పూర్తి చేయించాలని వారు తెలిపారు. ఎమ్మెల్యే కె ఈ శ్యామ్ కుమార్ మండలంలో వివిధ అభివృద్ధి పనులను వేగవంతంగా చేపడుతూ, సంక్షేమ కార్యక్రమాలను ప్రజలకు అందిస్తున్నారని తెలిపారు.
