Kondurg | భద్రత ఎవరి భారం…!!?
- యజమాన్యం కాంట్రాక్టర్లు బాధ్యత తప్పించుకునే జోలాట
- కార్మికుని భద్రత కన్నా కంపెనీ యజమానికి పని ముఖ్యం !
- కాంట్రాక్టర్లు కమీషన్‌ కోసం పరుగులు ..
- కార్మికుడి భద్రత ఎవరి బాధ్యత.
కొందుర్గు, (ఆంధ్రప్రభ) : ప్రమాదాల సంఖ్య రోజు రోజుకు పెరుగుతున్నా.. పరిశ్రమల్లో భద్రత పట్ల నిర్లక్ష్యం మాత్రం తగ్గేదే లేదు. పని వేగం పెంచాలని కంపెని యజమాన్యం చేస్తున్న ఒత్తిడి, లక్ష్యాలు పూర్తి చేస్తే కమిషన్‌ ఖాయం అన్న లోసుగులతో కాంట్రాక్టర్లు కార్మికులను అదనపు పనులకు తోసేస్తున్నారని గతంలో ప్రమాదాలు జరిగినప్పుడల్లా కార్మిక సంఘాలు ఆరోపిస్తూనే ఉన్నాయి.
బుధవారం మండల కేంద్రంలోని స్వాస్తిక్‌ స్టీల్‌ కంపెనిలో పై కప్పు పై కార్మికులు ఎలాంటి భద్రత ప్రమాణాల ను పరికరాలను ఇవ్వకుండానే ఎత్తు ప్రదేశాలలో కార్మికులతోపని చేయిస్తున్నారు. పని ఒత్తిడిలో అపశృతి జరిగితే బాధ్యులు ఎవరు.? కన్‌స్ట్రక్షన్‌ సైట్లు, భద్రత పరికరాల వాడకం తగ్గిపోవడం, పర్యవేక్షణ అధికారులు ఫీల్డ్‌లో కనిపించక పోవడం వల్ల ప్రమాదాలు వరుస పెడుతున్నాయని అనడంలో అతిశయోక్తి లేదు.
కార్మికులను ప్రశ్నించగా.? నిజం చెప్తే నౌకరి పోతుంది. బతకాలంటే పని చేయాల్సిందే. అంటూ నిర్మోహమాటంగా తెలిపారు. ఫోటోలు, మా పేర్లు వద్దు అంటూ నిస్సాహంగా నిరాశతో ఆ కార్మికులు ముఖం చాటేశారు. గతంలో జరిగిన పలు ప్రమాదాల్లో బాధ్యత ఎవరిది? అనే ప్రశ్నకు ఎవరు సృష్టమైన సమాదానం ఇవ్వకుండా యజమాన్యం, కాంట్రాక్టర్ల మధ్య బాధ్యత బదిలీ ఆట కొసాగుతుందని కార్మిక వర్గాలు విమర్శిస్తున్నాయి.
పని పూర్తయితే యజమానికి లాభం, కమిషన్‌ వస్తే కాంట్రాక్టర్‌కు లాభం, కానీ ప్రమాదం జరిగితే ఆస్పత్రి చుట్టు కార్మికులు తిరగాల్సింది. రాష్ట్రం కానీ రాష్ట్రంలో బాష రాదు ప్రాంతాలు (అడ్రస్లు) తెలియవు ఆ స్తితిలో అతని కుటుంబమే కష్టాలు పడాల్సిందే, అని కార్మికులు ఆవేదన వ్యక్తం చేశారు.
కార్మికులను అప్రమత్తం చేసే అవగాహనా సమావేశాలు, సెమినార్లు నిర్వహించడంలో కార్మిక సంఘాలు పెద్దగా ముందుకు రావడం లేదు. కంపెనీ పరిసరాల్లో అలాంటి కార్యక్రమాలు కంపెనీ పరిసరాలలో చేస్తే మాత్రం ఆ కంపెనీలో పని చేసే కార్మికులను పనిలోకి రానివ్వరు. ప్రమాదాలు తగ్గాలంటే, కార్మిక శ్రామిక శాఖ అధికారులు కంపెనీలపై కఠినమైన పర్యవేక్షణను నిరంతరం కొనసాగిస్తూ, భద్రతా నిబంధనలు అమలు అవుతున్నాయో లేదో క్రమం తప్పకుండా పరిశీలించాల్సిన అవసరం ఉంది.
ఆ అధికారుల పర్యవేక్షణ ఏనాడు కానరాదు. గ్రామీణ ప్రాంతాలలోని పారిశ్రామిక ప్రాంతాలలో ఆ శాఖకు సంబందించిన అధికారులకు ఏం ముట్టిందో ఏం పట్టిందో గాని ఇటు అసలే రారు. అన్న విమర్శలు వినిపిస్తున్నాయి. ప్రతి సైట్‌లో భద్రత ప్రమాణాలను తప్పని సరిగా అమలు చేయాలని దానికి సంబందిత శాఖ అధికారులు చర్యలు తీసుకోవాలని కార్మికులు కోరుతున్నారు.
అంతే గాని కార్మికులు డిమాండ్‌ చేసే శక్తిగాని, యుక్తి గాని ప్రదర్శించే చైతన్యం వారిలో కనిపిస్తే కంపెనీలో ఉద్యోగ భద్రత ఉండదు. కార్మికుడి జీవితం గాలిలో దీపం లాంటి పరిస్థితుల్లో కార్మికులు జీవితాన్ని కొనసాగిస్తున్నాము అని వాపోయారు. దేశానికి వెన్నుముక్క రైతు అయితే, దేశ అభివృద్దికి కార్మిక శక్తి కి ఆ యుక్తి కలిగి ఉంది అనడంలో సందేహం లేదు.
అలాంటి కార్మికులను కేంద్ర రాష్ట్ర ప్రభుత్వాలు కార్మికుల ఉద్యోగ భద్రత బాధ్యత నియమాలను కఠినంగా అమలు చేస్తే కార్మిక శక్తి బలపడి పరిశ్రమ అబివృద్ది పెరుగుతుంది అనడంలో సందేహం లేదు. ఏది ఏమైనప్పటికి కార్మికుల అభ్యున్నతికి సంబందిత శాఖ అధికారులు కృషి చేస్తారని ఆశిద్దాం.!
