Telangana Politics | పవన్పై మహేష్ కుమార్ గౌడ్ సీరియస్
Telangana Politics | పవన్పై మహేష్ కుమార్ గౌడ్ సీరియస్
Telangana Politics | ఆంధ్రప్రభ, వెబ్డెస్క్: తెలంగాణలో జనసేన పార్టీ రాజకీయాలకు ఎలాంటి ఆస్కారం లేదని టీపీసీసీ చీఫ్ మహేష్ కుమార్ గౌడ్ వ్యాఖ్యానించారు. ఏపీ ఉప ముఖ్యమంత్రిగా, సినీ నటుడిగా పవన్ కళ్యాణ్ను గౌరవిస్తామని, అయితే తెలంగాణలో రాజకీయాలు చేయడం కుదరదని ఆయన స్పష్టం చేశారు.
తెలంగాణతో పవన్ కళ్యాణ్కు సంబంధం ఏమిటని మహేష్ కుమార్ గౌడ్ ప్రశ్నించారు. పవన్ తన రాజకీయాలను ఆంధ్రప్రదేశ్కు పరిమితం చేసుకోవడం మంచిదని వ్యాఖ్యానించారు. తెలంగాణలో జనసేనకు రాజకీయ స్థలం లేదని ఆయన అన్నారు.
ప్రశాంతంగా ఉన్న తెలంగాణలో అశాంతి సృష్టించే ప్రయత్నాలు చేయవద్దని మహేష్ కుమార్ గౌడ్ హెచ్చరించారు. ప్రజల మధ్య ప్రాంతీయ భావోద్వేగాలు, విద్వేషాలు రెచ్చగొట్టేలా సభలు నిర్వహించడం సరైంది కాదని ఆయన అభిప్రాయపడ్డారు.
పవన్ కళ్యాణ్ను అడ్డం పెట్టుకుని బీజేపీ తెలంగాణలో రాజకీయ ప్రయోగం చేయాలని చూస్తోందని మహేష్ విమర్శించారు. తెలంగాణ ప్రజలు అలాంటి రాజకీయాలను అంగీకరించరని, రాష్ట్ర ప్రయోజనాల విషయంలో కాంగ్రెస్ వెనక్కి తగ్గదని ఆయన పేర్కొన్నారు.
పవన్ కళ్యాణ్పై మహేష్ కుమార్ గౌడ్ చేసిన వ్యాఖ్యలు ఇప్పుడు తెలంగాణ రాజకీయాల్లో చర్చనీయాంశంగా మారాయి. మరోవైపు, జనసేన వర్గాలు కూడా ఈ వ్యాఖ్యలపై స్పందించడంతో రెండు పార్టీల మధ్య మాటల యుద్ధం మరింత వేడెక్కే అవకాశం కనిపిస్తోంది.
