Bridge Collapse | ఇసుక లారీ బోల్తా..

Bridge Collapse | ఆంధ్రప్రభ, వెబ్‌డెస్క్‌ : పశ్చిమగోదావరి జిల్లాలో ప్రమాదకర ఘటన చోటుచేసుకుంది. భీమవరం మండలం దొంగపిండి గ్రామం సమీపంలోని వంతెనపై నుంచి ఇసుక లారీ వెళ్తుండగా వంతెన ఒక్కసారిగా కూలిపోయింది. దీంతో లారీ అదుపుతప్పి బోల్తా పడింది.

ఇసుక లోడుతో ప్రయాణిస్తున్న లారీ వంతెన మధ్యలోకి చేరుకున్న సమయంలో నిర్మాణం కూలిపోవడంతో వాహనం నియంత్రణ కోల్పోయి కిందపడిపోయింది. ప్రమాదం జరిగిన వెంటనే స్థానికులు, అధికారులు ఘటనాస్థలానికి చేరుకుని పరిస్థితిని పరిశీలించారు.

ఈ ప్రమాదంలో లారీ డ్రైవర్ సురక్షితంగా బయటపడటంతో అందరూ ఊపిరి పీల్చుకున్నారు. అయితే వంతెన పూర్తిగా దెబ్బతినడంతో ఆ మార్గంలో రాకపోకలు నిలిచిపోయాయి. ఘటనకు గల కారణాలపై అధికారులు విచారణ చేపట్టగా, ప్రత్యామ్నాయ మార్గాల ఏర్పాటుపై చర్యలు తీసుకుంటున్నారు.