నటుడు బ్రహ్మానందంను కలిసిన చిత్రకారుడు రాయబోస్
కడెం, ఆంధ్రప్రభ : తెలుగు సినీ పరిశ్రమలో తన అద్భుతమైన హాస్యంతో ప్రేక్షకులను అలరించిన ప్రముఖ నటుడు బ్రహ్మానందంను నిర్మల్ జిల్లా కడెం మండలం లింగాపూర్ గ్రామానికి చెందిన ప్రముఖ చిత్రకారుడు అబ్దుల్ రహమాన్ (రాయబోస్) మర్యాదపూర్వకంగా కలిశారు.
ఈ సందర్భంగా చిత్రకారుడు రహమాన్ తన చేతితో చిత్రించిన ప్రత్యేక కళాఖండాన్ని బ్రహ్మానందంకు అందజేశారు. ఆ చిత్రాన్ని చూసిన బ్రహ్మానందం ఆనందం వ్యక్తం చేస్తూ కళాకారుడి ప్రతిభను ప్రశంసించారు.
బ్రహ్మానందం స్వయంగా కూడా చిత్రలేఖనంలో మంచి నైపుణ్యం కలిగి ఉన్న విషయం తెలిసిందే. గతంలో ఆయన పలువురికి తన చేతితో గీసిన చిత్రాలను బహుమతిగా అందించిన సందర్భాలు ఉన్నాయి.
