T20 World Cup | ప్రయాగ్‌రాజ్‌లో ప్రత్యేక పూజలు

T20 World Cup |ఆంధ్రప్రభ, వెబ్ డెస్క్: మహిళల టీ20 ప్రపంచకప్‌లో భారత్-పాకిస్థాన్ మధ్య జరగనున్న హై వోల్టేజ్ మ్యాచ్‌కు ముందు టీమిండియాకు మద్దతుగా ఉత్తరప్రదేశ్‌లోని ప్రయాగ్‌రాజ్‌లో క్రికెట్ అభిమానులు ప్రత్యేక గంగా హారతి నిర్వహించారు. భారత మహిళల జట్టు విజయాన్ని ఆకాంక్షిస్తూ గంగా నది తీరంలో అభిమానులు ప్రత్యేక ప్రార్థనలు చేశారు. హర్మన్‌ప్రీత్ కౌర్ నేతృత్వంలోని భారత జట్టు పాకిస్థాన్‌పై ఘన విజయం సాధించాలని కోరుకుంటూ హారతి కార్యక్రమంలో పాల్గొన్నారు.

భారత్-పాకిస్థాన్ మ్యాచ్‌కు ఎప్పటిలాగే భారీ ఆసక్తి నెలకొన్న నేపథ్యంలో, అభిమానులు తమ అభిమాన జట్టుకు మద్దతు తెలుపుతూ ప్రత్యేక పూజలు నిర్వహించడం విశేషంగా మారింది. దేశవ్యాప్తంగా క్రికెట్ అభిమానులు భారత జట్టు విజయాన్ని కోరుకుంటున్న వేళ, ప్రయాగ్‌రాజ్‌లో నిర్వహించిన ఈ గంగా హారతి ప్రత్యేక ఆకర్షణగా నిలిచింది. మహిళల క్రికెట్‌కు పెరుగుతున్న ఆదరణకు ఇది నిదర్శనమని క్రీడా అభిమానులు అభిప్రాయపడుతున్నారు. ప్రపంచకప్‌లో భారత్ విజయవంతమైన ఆరంభం చేయాలని అభిమానులు ఆకాంక్షిస్తున్నారు.