PHEIC | పబ్లిక్ హెల్త్ ఎమర్జెన్సీ ప్రకటించిన డబ్ల్యుహెచ్వో
PHEIC | పబ్లిక్ హెల్త్ ఎమర్జెన్సీ ప్రకటించిన డబ్ల్యుహెచ్వో
PHEIC | కాంగో, ఉగాండాలో వేగంగా వ్యాపిస్తున్న ఎబోలా
డబ్ల్యుహెచ్వో హెచ్చరికతో భారత ప్రభుత్వం కీలక నిర్ణయం
ఆఫ్రికా దేశాలకు వెళ్లొద్దని భారతీయులకు సూచన
అత్యవసరమైతే తప్ప ఆయా దేశాలకు వెళ్లొద్దని సూచన
ఎయిర్పోర్ట్, పోర్టుల్లో ఆరోగ్య నిఘా పెంపు
జ్వరంతో వచ్చే ప్రయాణికులకు ప్రత్యేక పరీక్షలు
PHEIC | ఆంధ్రప్రభ వెబ్డెస్క్ : ప్రస్తుతం ఆఫ్రికా దేశాల్లో వ్యాపిస్తున్న ఎబోలా వైరస్పై ప్రపంచ ఆరోగ్య సంస్థ (WHO) అత్యంత అప్రమత్తంగా ఉంది. ముఖ్యంగా Democratic Republic of the Congo (కాంగో), Uganda, అలాగే South Sudan ప్రాంతాల్లో వైరస్ వేగంగా వ్యాపిస్తుండటంతో WHO “పబ్లిక్ హెల్త్ ఎమర్జెన్సీ ఆఫ్ ఇంటర్నేషనల్ కన్సర్న్ (PHEIC)”గా ప్రకటించింది.
ఎబోలా పరిస్థితి ఎంత తీవ్రంగా ఉంది?
కాంగోలో ఇప్పటివరకు వందల సంఖ్యలో అనుమానిత కేసులు నమోదయ్యాయి.
80 కంటే ఎక్కువ నిర్ధారిత కేసులు నమోదయ్యాయి.
మరణాల సంఖ్య కూడా పెరుగుతోంది.
ఉగాండాలో కూడా దిగుమతి కేసులు నమోదయ్యాయి.
ఈసారి వ్యాప్తి చెందుతున్నది “బండిబుగ్యో వైరస్” (Bundibugyo strain) అనే అరుదైన ఎబోలా రకం. దీనికి ప్రస్తుతం పూర్తి స్థాయి ఆమోదిత వ్యాక్సిన్ లేదా ప్రత్యేక మందు లేదు.
ఎబోలా ఎలా వ్యాపిస్తుంది?
ఎబోలా వైరస్ ప్రధానంగా బాధితుల రక్తం, చెమట, లాలాజలం వంటి శరీర ద్రవాల ద్వారా మృతదేహాల స్పర్శ ద్వారా
కలుషిత వస్తువుల ద్వారా వ్యాపిస్తుంది.
లక్షణాలు:
తీవ్ర జ్వరం, వాంతులు, విరేచనాలు, శరీర నొప్పులు, అంతర్గత / బాహ్య రక్తస్రావం జరుగుతుంది
WHO ప్రకారం:
కాంగోలో భద్రతా సమస్యలు, వైద్య సదుపాయాల కొరత, సరిహద్దు ప్రాంతాల్లో అధిక రాకపోకలు, ప్రజల్లో అవగాహన లోపం వల్ల వైరస్ నియంత్రణ కష్టమవుతోంది. కొన్ని ప్రాంతాల్లో ఎబోలా చికిత్స కేంద్రాలపై దాడులు కూడా జరిగాయి.
భారత్ తీసుకున్న కీలక నిర్ణయాలు
World Health Organization హెచ్చరికల తర్వాత భారత ప్రభుత్వం అప్రమత్తమైంది. కాంగో, ఉగాండా, దక్షిణ సూడాన్ దేశాలకు అత్యవసరమైతే తప్ప వెళ్లొద్దని కేంద్రం సూచించింది. భారతీయులు ప్రయాణాలు వాయిదా వేసుకోవాలని ట్రావెల్ అడ్వైజరీ జారీ చేసింది.
విమానాశ్రయాలు, పోర్టుల్లో ఆరోగ్య తనిఖీలు పెంచింది. జ్వరంతో వచ్చే ప్రయాణికులకు ప్రత్యేక స్క్రీనింగ్ ప్రారంభించింది.
భారత్లో ప్రమాదం ఉందా?
ప్రస్తుతం భారత్లో ఎబోలా కేసులు లేవు. కానీ అంతర్జాతీయ ప్రయాణాల కారణంగా ముందు జాగ్రత్త చర్యలు తీసుకుంటున్నారు.
ఆరోగ్య నిపుణుల సూచనలు:
ఆఫ్రికా ప్రభావిత దేశాలకు ప్రయాణాలు నివారించాలి
జ్వరం లేదా అనుమానిత లక్షణాలు ఉంటే వెంటనే వైద్యులను సంప్రదించాలి
విదేశాల నుంచి వచ్చిన వారితో జాగ్రత్తగా ఉండాలి
WHO ఏమంటోంది?
ఇది “పాండమిక్” స్థాయికి ఇంకా చేరలేదు
కానీ అంతర్జాతీయ ఆరోగ్య అత్యవసర పరిస్థితిగా పరిగణించాలి
అన్ని దేశాలు ముందస్తు జాగ్రత్తలు తీసుకోవాలి
CLICK HERE TO READ who I Global Emergency I 1976 I ఆంక్షలు వద్దు.. అప్రమత్తంగా ఉండాలి!
