pay&watch | విష్ణుప్రియ నిర్ణయంపై మాధవీలత సంచలన వ్యాఖ్యలు
pay&watch | విష్ణుప్రియ నిర్ణయంపై మాధవీలత సంచలన వ్యాఖ్యలు
pay&watch| విష్ణుప్రియ నిర్ణయంపై నెటిజన్ల విభిన్న అభిప్రాయాలు
సోషల్ మీడియా: వినోదం నుంచి వ్యాపారానికి మార్పు
మాధవీలత చెప్పిన షాకింగ్ ఉదాహరణలు
సబ్స్క్రిప్షన్ మోడల్పై పెరుగుతున్న చర్చ
pay&watch | ఆంధ్రప్రభ వెబ్ డెస్క్ : సోషల్ మీడియా వేదికలు ఇప్పుడు కేవలం వినోదానికే కాదు, భారీ ఆదాయ వనరులుగా కూడా మారుతున్నాయి. ఈ క్రమంలోనే ప్రముఖ యాంకర్, నటి విష్ణుప్రియ తీసుకున్న ఒక నిర్ణయం ఇప్పుడు నెటిజన్లలో తీవ్ర చర్చకు దారితీసింది. తన ఇన్స్టాగ్రామ్ కంటెంట్ను చూడాలంటే సబ్స్క్రిప్షన్ ఫీజు చెల్లించాలనే విధానాన్ని ఆమె ప్రవేశపెట్టడం పట్ల భిన్న స్వరాలు వినిపిస్తున్నాయి.
విష్ణుప్రియ నిర్ణయంపై సోషల్ మీడియా రెండుగా విడిపోయింది. కొంతమంది ప్రముఖులు, నెటిజన్లు దీనిని తీవ్రంగా వ్యతిరేకిస్తున్నారు. సోషల్ మీడియా అనేది అభిమానులతో అనుసంధానమయ్యే వేదిక అని, దానిని ఇలా పూర్తిగా వాణిజ్యపరంగా మార్చడం సరికాదని వారు అభిప్రాయపడుతున్నారు. అయితే, మరికొందరు మాత్రం ఇది పూర్తిగా ఆమె వ్యక్తిగత నిర్ణయం అని, నచ్చిన వారు డబ్బు చెల్లించి చూస్తారు, లేని వారు మానేస్తారు.. ఇందులో తప్పేముందని మద్దతు తెలుపుతున్నారు.
ఇటీవల సినీ నటి మాధవీలత ఆంధ్రప్రభతో ముచ్చటిస్తూ, ఈ హాట్ టాపిక్పై స్పందించారు. ఆసక్తికరమైన విషయాలను పంచుకున్నారు. ఇది కేవలం మన దగ్గరే కాదు, ప్రపంచ వ్యాప్తంగా సాగుతున్న ఒక కొత్త ధోరణి అని ఆమె పేర్కొన్నారు. సోషల్ మీడియా ఇన్ఫ్లుయెన్సర్లు ఆదాయం కోసం రకరకాల మార్గాలను వెతుక్కుంటున్నారని చెబుతూ కొన్ని విస్తుపోయే ఉదాహరణలను ప్రస్తావించారు:
విదేశాల్లో ఒక యువతి తన ‘ఫార్టింగ్ స్మెల్’ (వాయువు)ను బాటిళ్లలో నింపి, ఒక్కో బాటిల్ను వేల డాలర్లకు విక్రయించిందని మాధవీలత గుర్తు చేశారు. ఆశ్చర్యకరంగా వాటిని కొనేవారు కూడా ఉన్నారని, ఇది వ్యక్తుల అభిరుచులకు సంబంధించిన విషయం అని ఆమె విశ్లేషించారు.
ఉత్తర భారతదేశానికి చెందిన మరో యువతి, తన ఫాలోవర్ల నుంచి విరాళాలు, సబ్స్క్రిప్షన్ల ద్వారా నెలకు ఏకంగా 6 లక్షల రూపాయలు సంపాదిస్తోందని, ఆ విషయాన్ని సదరు యువతే బహిరంగంగా వెల్లడించిందని మాధవీలత చెప్పారు. మారిన కాలంలో కంటెంట్ క్రియేటర్లు తమ కష్టానికి ప్రతిఫలం ఆశించడంలో తప్పులేదని కొందరు అంటుంటే, అభిమానాన్ని వ్యాపారంగా మార్చడం ఎంతవరకు సమంజసం? అనే ప్రశ్నలు తలెత్తుతున్నాయి. ఏది ఏమైనా విష్ణుప్రియ మొదలుపెట్టిన ఈ ‘సబ్స్క్రిప్షన్ మోడల్‘ టాలీవుడ్ సర్కిల్స్లో పెద్ద చర్చకే తెరలేపింది.
మాధవీలత వెల్లడించిన మరిన్ని ఆసక్తికరమైన విషయాలు, పూర్తి ఇంటర్వ్యూ కోసం క్రింది లింక్ పై క్లిక్ చేయండి:
