Health | మహిళల్లో ఆస్టియోపోరోసిస్..

Health | మహిళల్లో ఆస్టియోపోరోసిస్..

Health | మెనోపాజ్.. అసలైన మలుపు
సైలెంట్ డిసీజ్‌గా ఆస్టియోపోరోసిస్ ప్రమాదం
లక్షణాలు మరియు హెచ్చరిక సంకేతాలు
కారణాలు మరియు రిస్క్ ఫ్యాక్టర్లు
నివారణ మరియు జాగ్రత్తలు
డెక్సా స్కాన్ ప్రాముఖ్యత

Health | ఆంధ్ర‌ప్ర‌భ, వెబ్‌డెస్క్ : శరీరానికి ఆకారాన్ని, బలాన్ని ఇచ్చేవి ఎముకలు. కానీ, ఒక వయసు దాటాక అవే ఎముకలు లోలోపల గుల్లబారిపోతున్నాయని తెలిస్తే? బయటకు ఎలాంటి లక్షణాలు కనిపించకుండానే, లోలోపలే ఎముకలు బలహీన పడి, చిన్న తుమ్ముకో లేదా చిన్నపాటి తడబాటుకో విరిగిపోయే ప్రమాదకర పరిస్థితి ఏర్పడితే? ఈ వ్యాధినే వైద్య పరిభాషలో ‘ఆస్టియోపోరోసిస్’ అంటారు. ముఖ్యంగా భారతీయ మహిళల్లో ఈ సమస్య ఒక నిశ్శబ్ద మహమ్మారిలా విస్తరిస్తోంది.

మెనోపాజ్.. అసలైన మలుపు..

మహిళల జీవితంలో మెనోపాజ్ (నెలసరి ఆగిపోవడం) అనేది ఒక సహజమైన పరిణామ క్రియ. అయితే, ఈ దశలో శరీరంలో జరిగే హార్మోన్ల మార్పులు ఎముకల ఆరోగ్యంపై తీవ్ర ప్రభావం చూపుతాయి. ఎముకల సాంద్రతను కాపాడటంలో ‘ఈస్ట్రోజన్’ అనే హార్మోన్ కీలక పాత్ర పోషిస్తుంది. మెనోపాజ్ తర్వాత ఈ హార్మోన్ ఉత్పత్తి పడిపోవడంతో, ఎముకల పునరుత్పత్తి ప్రక్రియ మందగిస్తుంది. ఫలితంగా పాత ఎముక కణజాలం కరిగిపోవడం వేగవంతమై, కొత్త ఎముక ఏర్పడటం తగ్గిపోతుంది. దీని వల్ల ఎముకలు స్పాంజిలా మారిపోయి తమ బలాన్ని కోల్పోతాయి. ఆస్టియోపోరోసిస్ గురించి అత్యంత ప్రమాదకరమైన విషయం ఏమిటంటే, ఎముక విరిగే వరకు ఇది తన ఉనికిని లక్షణాలను చూపదు. అందుకే దీన్ని సైలెంట్ డిసీజ్ అంటారు.

అయితే, కొన్ని..

వెన్నెముకలోని ఎముకలు బలహీనపడటం వల్ల కాలక్రమేణా మనిషి ఎత్తు తగ్గినట్టు కనిపిస్తారు.
నడుము భాగం వంగిపోయి, గూను వచ్చినట్టుగా అనిపించడం.
వెన్నెముకలోని చిన్న చిన్న ఎముకలలో పగుళ్లు ఏర్పడటం వల్ల తరచూ తీవ్రమైన నడుము నొప్పి రావడం.
కేవలం మెనోపాజ్ మాత్రమే కాదు, మరికొన్ని కారణాలు కూడా ఈ ముప్పును పెంచుతాయి.
చిన్నప్పటి నుంచి క్యాల్షియం, విటమిన్-డి సమృద్ధిగా ఉన్న ఆహారం తీసుకోకపోవడం.
అంతకు ముందు కుటుంబంలో ఎవరికైనా ఈ సమస్య ఉంటే కూడా ఈ సమస్య వచ్చే అవకాశం ఎక్కువ.
వ్యాయామం లేకపోవడం, ఎండ తగలకపోవడం, పొగతాగడం లేదా మద్యపానం వంటి హానికర అలవాట్లు.
శరీర బరువు మరీ తక్కువగా ఉండటం వల్ల కూడా ఎముకల సాంద్రత తక్కువగా ఉంటుంది.
ఒకసారి ఆస్టియోపోరోసిస్ బారిన పడ్డాక మందులతో కొంత వరకు అదుపు చేయవచ్చు కానీ, రాకుండా చూసుకోవడమే ఉత్తమం.
పాలు, పెరుగు, ఆకుకూరలు(ముఖ్యంగా తోటకూర), రాగులు, సోయా వంటి ఆహార పదార్థాలను రోజువారీ డైట్‌లో చేర్చుకోవాలి.
ఎముకలు క్యాల్షియాన్ని గ్రహించాలంటే విటమిన్-డి తప్పనిసరి. రోజూ ఉదయం పది నిమిషాల పాటు లేత ఎండలో నడవడం వల్ల సహజంగానే విటమిన్-డి లభిస్తుంది.
కేవలం నడవడమే కాకుండా, చిన్నపాటి వెయిట్ బేరింగ్ వ్యాయామాలు చేయడం వల్ల ఎముకలు బలోపేతం అవుతాయి.
45 ఏళ్లు దాటిన మహిళలు, ముఖ్యంగా మెనోపాజ్ దశలో ఉన్నవారు ఒకసారి ‘డెక్సా స్కాన్’ చేయించుకోవడం మంచిది. ఇది ఎముకల సాంద్రతను కచ్చితంగా కొలుస్తుంది. దీని ద్వారా మన ఎముకలు ఎంత బలంగా ఉన్నాయో తెలుస్తుంది. ఫలితాలను బట్టి డాక్టర్లు క్యాల్షియం సప్లిమెంట్లు లేదా ఇతర చికిత్సలు సూచిస్తారు.