విద్యుత్‌షాక్‌తో వృద్ధురాలు మృతి..
కొండగట్టు ఆలయ ప్రాంగణంలో విషాదం
జగిత్యాల జిల్లా, ఆంధ్ర‌ప్ర‌భ : మల్యాల మండలం కొండగట్టు ఆలయ ప్రాంగణంలో విషాదం చోటుచేసుకుంది. గోదావరిఖని ప్రాంతం నుంచి వెనగట్టి రాజేశ్వరి అనే వృద్దురాలు కుటుంబ స‌భ్యుల‌తో క‌లిసి అంజన్న దర్శనానికి వ‌చ్చింది. కాలకృత్యాలు తీర్చుకునేందుకు వెళుతుండగా రాజేశ్వరి విద్యుత్ షాక్ కు గురైంది. ఆమెను కాపాడేందుకు వెళ్లిన త‌న కోడలు సరితకు కూడా షాక్ గురికావ‌డంతో ఇద్ద‌రిని ఆసుపత్రికి త‌ర‌లించారు. ఆస్ప‌త్రిలో చికిత్స పొందుతూ రాజేశ్వరి మృతి చెందింది. బుధ‌వారం కూడా ఇదే ప్రాంతంలో విద్యుదాఘాతంతో వానరం మృతి చెందింది. అధికారుల నిర్లక్ష్యం కారణంగా రాజేశ్వరి మృతి చెందిందని కుటుంబ సభ్యుల ఆరోపించారు. వీరు మొద‌ట వేములవాడ ద‌ర్శ‌నం చేసుకొని అనంతరం కొండగట్టుకు వచ్చినట్లు కుటుంబ సభ్యులు తెలిపారు.
