israel-hezbollah-ceasefire : శాంతి ఒప్పందం బ్రేక్ Andhra Prabha Top News
israel-hezbollah-ceasefire : శాంతి ఒప్పందం బ్రేక్ Andhra Prabha Top News
- ఇజ్రాయెల్ చెలగాటం
- లెబనాన్ ఆక్రోశం
- అమెరికా బిక్కమొహం
- రంగంలో ఖతార్
- కాల్పుల విరమణకు యూదులు ఓకే
( ఆంధ్రప్రభ, వాషింగ్టన్ ప్రతినిధి)
హిజ్జుల్లా, ఇజ్రాయెల్ మధ్య పరస్సర దాడి కాస్త… అమెరికా, ఇరాన్ మధ్య శాంతి ఒప్పందానికి ఆటంకంగా మారిన తరుణంలో… ఇటు అమెరికా, అటు ఇరాన్ స్పందించటంతో.. కాల్పుల విరమణకు ఇజ్రాయెల్ తలూపింది. ఇజ్రాయెల్ సైన్యానికి, హిజ్జుల్లాకు మధ్య జరుగుతున్న పోరాటం అమెరికా-ఇరాన్ మధ్య చర్చలను దెబ్బతీసే ప్రమాదం ఏర్నడిన ప్థితిలో కాల్పుల విరమణను పునరుద్ధరించడానికి ఇజ్రాయెల్, హిజ్బుల్లా అంగీకరించిన్టు అంతర్జాతీయ మీడియా స్పష్తం చేసింది. లెబనాన్లో ఘర్షణలు జరగకూడదని టెహ్రాన్ కోరడంతో, వాషింగ్టన్, టెహ్రాన్ల మధ్య జరగాల్సిన తొలి విడత సాంకేతిక చర్చలు శుక్రవారం నిలిచపోయాయి.
అంతర్జాతీయ వర్గాల సమాచారం ప్రకారం, కాల్పుల విరమణ పునరుద్ధరణకు ఇజ్రాయెల్ హిజ్బుల్లాఅంగీకరించాయి. అమెరికా ఖతార్ మధ్యవర్తిత్వం వహించగాస్థానిక కాలమానం ప్రకారం సాయంత్రం 4 గంటలకు ఈ కాల్పుల విరమణ ప్రారంభమైనట్టు తెలిసింది. ఈ ఒప్పందానికి ఖతార్, అమెరికా ఇరాన్ మధ్యవర్తిత్వం వహించాయని మరో దౌత్య వర్గం తెలిపింది. శుక్రవారం మధ్యాహ్నం జరిగిన ఒక బ్రీఫింగ్లో ఇజ్రాయెల్ రక్షణ దళాల ప్రతినిధి కాల్పుల విరమణను నిరాకరించారు. “అమలులోని రాజకీయ ఆదేశాల ప్రకారమే మేము వ్యవహరిస్తూనే ఉన్నాం. ఆ ఆదేశాలు మారేంత వరకు, వాటికి అనుగుణంగానే కార్యకలాపాలు కొనసాగిస్తాం,” అని ఆ ప్రతినిధి అన్నారు.
israel-hezbollah-ceasefire : ఇ.జ్రాయెల్ చెలగాటం
60 రోజుల్లోగా శాంతి ఒప్పందాన్ని ఖరారు చేయడానికి అమెరికా, ఇరాన్లకు సమయం దగ్గర పడుతోంది, కానీ శుక్రవారం స్విట్జర్లాండ్లో సాంకేతిక చర్చలు ప్రారంభం కాలేదు. రాత్రంతా లెబనాన్పై కొనసాగుతున్న ఇజ్రాయెల్ దాడులను అడ్డుకోవాలని ఇరాన్ అధికారులు కోరారు. అమెరికా, ఇరాన్ల మధ్య కుదిరిన అవగాహన ఒప్పందం “అన్ని రంగాలలో సైనిక కార్యకలాపాలకు” ముగింపు పలకాలని నిర్దేశిస్తున్నప్పటికీ, దక్షిణ లెబనాన్ నుండి వైదొలగే ఉద్దేశం తనకు లేదని ఇజ్రాయెల్ ప్రధానమంత్రి బెంజమిన్ నెతన్యాహు స్పష్టం చేశారుఈ వారాంతంలో ఇరాన్తో మరిన్ని చర్చలు జరగాల్సి ఉన్న స్విట్జర్లాండ్ పర్యటనను అమెరికా ఉపాధ్యక్షుడు జేడీ వాన్స్ రద్దు చేసుకున్నారు. సున్నితమైన దౌత్య ప్రక్రియను సజావుగా కొనసాగించేందుకు, హిజ్బుల్లాపై దాడులను మరింత తీవ్రతరం చేయబోమని ఇజ్రాయెల్ అంగీకరించిందని వాషింగ్టన్ టెహ్రాన్కు తెలిపినట్టు ఓ అంతర్జాతీయ మీడియా సంస్థ తెలిపింది. కానీ కాల్పుల విరమణ ఒప్పందంపై తీవ్ర అపనమ్మకం నెలకొంది. లెబనాన్లో ఇజ్రాయెల్ హిజ్బుల్లా మధ్య తాజాగా చెలరేగిన పోరాటం, శత్రుత్వాన్ని అంతం చేసి హోర్ముజ్ జలసంధిని తిరిగి తెరవడమే లక్ష్యంగా ఈ వారం కుదిరిన అమెరికా-ఇరాన్ ఒప్పందం విచ్ఛిన్నమవుతుందేమోనన్న భయాలను రేకెత్తించింది. శాంతి ప్రక్రియలో లెబనాన్ ఎందుకు ఒక కీలక భాగం?
israel-hezbollah-ceasefire : ఎంవోయూ తెరలో.. లెబనాన్
ఈ అవగాహన ఒప్పందం (MOU)లోని అంశాలపై ఆ దేశానికి ఎలాంటి అధికారం లేనప్పటికీ, ఇది కాల్పుల విరమణ ఒప్పందంలో లెబనాన్ను ఒక కేంద్ర భాగంగా నిలుపుతోంది. “ప్రస్తుత యుద్ధంలో అమెరికా సంయుక్త రాష్ట్రాలు, ఇస్లామిక్ రిపబ్లిక్ ఆఫ్ ఇరాన్ వారి మిత్రదేశాలు, లెబనాన్తో సహా అన్ని రంగాలలో సైనిక కార్యకలాపాలను తక్షణమే శాశ్వతంగా నిలిపివేస్తున్నట్లు ప్రకటించడానికి ఈ అవగాహన ఒప్పందంపై సంతకం చేస్తున్నాయి,” అని ఆ పత్రంలో పేర్కొనబడింది.
ఈ పత్రంలో ” మిత్రదేశాలు” అని ప్రస్తావించినప్పటికీ, అది ఇజ్రాయెల్ లేదా ఇరాన్ ప్రాక్సీ మిలిటెంట్ గ్రూప్ హిజ్బుల్లాను స్పష్టంగా పేర్కొనలేదు. ఇది చాలా ముఖ్యం, ఎందుకంటే అమెరికా ప్రభుత్వం ఇజ్రాయెల్తో కలిసి ఇరాన్పై యుద్ధం ప్రారంభించినప్పటికీ, లెబనాన్లో హిజ్బుల్లాపై ఇజ్రాయెల్ సైనిక చర్య ఈ శాంతి ఒప్పందాన్ని కుదర్చడంలో ప్రయత్నాలను క్లిష్టతరం చేసింది. ఈ ఒప్పందాన్ని చెడగొట్టాటమే యూదు దేశం కోరిక చ హిజ్జుల్లా ఒక కీలక అంశం కానుంది. నలుగురు ఇజ్రాయెల్ సైనికుల మరణానికి కారణమైన దాడికి ప్రతిస్పందనగా, శుక్రవారం రాత్రి దక్షిణ లెబనాన్లో ఇజ్రాయెల్ జరిపిన భారీ వైమానిక దాడులలో కనీసం 21 మంది మరణించడం డజన్ల కొద్దీ గాయపడటంతో, ఈ ఆందోళనలు నేడు మరింత స్పష్టమవుతున్నాయని ఆ దేశ ఆరోగ్య మంత్రిత్వ శాఖ తెలిపింది.
israel-hezbollah-ceasefire : అమెరికాకు ఇరకాటం
రెండో విడత చర్చలు వాయిదా పడటంతో, నేడు అమెరికా-ఇరాన్ చర్చల కోసం స్విట్జర్లాండ్కు వెళ్లే ఉద్దేశం తనకు లేదని అమెరికా ఉపాధ్యక్షుడు జేడీ వాన్స్ తెలిపారు. చర్చలను తిరిగి ప్రారంభించే ముందు లెబనాన్లో ఘర్షణలు ముగుస్తాయని హామీ ఇవ్వాలని ఇరాన్ కోరిందని ఒ క దౌత్యవేత్త అంతర్జాతీయ మీడియాకు తెలిపారు.
israel-hezbollah-ceasefire : యూద దేశం చెలగాటం
లెబనాన్ దక్షిణ ప్రాంతంలో రాత్రికి రాత్రే జరిగిన ఇజ్రాయెల్ దాడుల్లో కనీసం 21 మంది మరణించారు. నబాతియే జిల్లాలోని జనావాస ప్రాంతాలను లక్ష్యంగా చేసుకుని వరుస దాడులు జరిగాయి. దక్షిణ ప్రాంతంలో హిజ్బుల్లాకు చెందిన ఒక పేలుడు పదార్థం ట్యాంకును ఢీకొనడంతో నలుగురు ఇజ్రాయెల్ సైనికులు మరణించిన తర్వాత ఈ దాడులు జరిగాయని సైన్యం తెలిపింది. సైనికుల మరణాలకు ఇరాన్ మద్దతు ఉన్న ఈ ఉగ్రవాద సంస్థ “చాలా భారీ మూల్యం” చెల్లించాల్సి వస్తుందని నెతన్యాహు హెచ్చరించారు. ఇజ్రాయెల్లో అతివాద వర్గాల ఒత్తిడి: లెబనాన్లో ఉద్రిక్తతలను పెంచాలని నెతన్యాహు ప్రభుత్వంలోని కఠినవాదుల నుండి ఒత్తిడి పెరుగుతోంది. అతివాద జాతీయ భద్రతా మంత్రి ఇటామర్ బెన్ గ్విర్ మాట్లాడుతూ “లెబనాన్ మొత్తం తగలబడిపోవాలి” అని, రాజధాని బీరుట్పై దాడులకు పిలుపునిచ్చారు.
israel-hezbollah-ceasefire : హిజ్బుల్లా ఆక్రోశం
కాల్పుల విరమణ ఒప్పందాన్ని “ఉల్లంఘిస్తూ” ఇజ్రాయెల్ ఉద్రిక్తతలను పెంచుతోందని ఈ ఉగ్రవాద సంస్థ ఆరోపించింది. ఒక ప్రకటనలో, హిజ్బుల్లా “ఏ విధమైన దురాక్రమణకైనా వ్యతిరేకంగా అప్రమత్తంగా ఉంటామని” పేర్కొంది. ఇజ్రాయెల్ “సామూహిక హత్యలకు పాల్పడుతోందని”, “నివాస భవనాలను ధ్వంసం చేస్తోందని” ఆరోపించింది.
israel-hezbollah-ceasefire : మళ్లీ హో ర్ముజ్ కు తాళం
సముద్ర నిఘా సంస్థ ఏఎక్స్ఎస్ మెరైన్ ప్రకారం, గురువారం మొత్తం 25 వాణిజ్య నౌకలు హోర్ముజ్ జలసంధి గుండా ప్రయాణించాయి — ఏప్రిల్ తర్వాత ఇదే అత్యధికం. అమెరికా-ఇరాన్ ఒప్పందం ఈ కీలకమైన జలమార్గాన్ని “వెంటనే” తిరిగి తెరుస్తామని హామీ ఇచ్చింది. జలసంధి గుండా వెళ్లే నౌకలు “సురక్షిత ప్రయాణం” కోసం తప్పనిసరిగా నమోదు చేసుకోవాలని, అయితే ప్రస్తుత ఒప్పందం పరిధిలోని 60 రోజుల కాలంలో ఎలాంటి సుంకాలు ఉండవని టెహ్రాన్ తెలిపింది. గురువారం మొత్తం 25 వాణిజ్య నౌకలు ఈ కీలక జలమార్గం గుండా ప్రయాణించాయిఏప్రిల్ తర్వాత ఇదే అత్యధికం. యుద్ధ సమయంలో ఇరాన్ ఈ జలసంధిని దాదాపుగా మూసివేసింది.
