4 hours | నూతన దంపతుల ఆదర్శం వైరల్

4 hours | నూతన దంపతుల ఆదర్శం వైరల్

4 hours | ఆంధ్రప్రభ, వెబ్ డెస్క్ : తమిళనాడు అసెంబ్లీ ఎన్నికల సందర్భంగా నూతన వధూవరులు ప్రజాస్వామ్యంపై తమ నిబద్ధతను చాటిచెప్పారు. ఉదయం వేళే వివాహం పూర్తిచేసుకుని, నేరుగా పోలింగ్ కేంద్రానికి చేరుకుని ఓటు హక్కును వినియోగించడం ప్రత్యేక ఆకర్షణగా మారింది.

సాధారణంగా వివాహ వేడుకలు, కుటుంబ కార్యక్రమాలు ఎంతో ముఖ్యమైనవిగా భావించే నేపథ్యంలో, ఈ జంట తీసుకున్న నిర్ణయం అందరినీ ఆకట్టుకుంది. ఉదయం 4 గంటలకే పెళ్లి పూర్తిచేసుకున్న వారు, ఆలస్యం చేయకుండా పోలింగ్ కేంద్రానికి వెళ్లి తమ ఓటు హక్కును వినియోగించారు.

ప్రజాస్వామ్యంలో ఓటు హక్కు ఎంత కీలకమో తమ చర్యల ద్వారా తెలియజేసిన ఈ దంపతులు సోషల్ మీడియాలో వైరల్ అయ్యారు. నూతన దంపతుల ఫొటోలు, వీడియోలు విస్తృతంగా షేర్ అవుతూ నెటిజన్ల ప్రశంసలు అందుకుంటున్నాయి.

ఈ ఘటనను అధికారులు కూడా ప్రశంసిస్తూ, ప్రజలందరూ వీరిని స్ఫూర్తిగా తీసుకుని తప్పనిసరిగా ఓటు వేయాలని పిలుపునిచ్చారు. ఎన్నికల సమయంలో ప్రతి ఓటు విలువైనదని, ప్రజాస్వామ్యాన్ని బలపరచడంలో ప్రజల భాగస్వామ్యం కీలకమని తెలిపారు.

ఇలాంటి సంఘటనలు సమాజానికి సానుకూల సందేశం ఇస్తాయని, వ్యక్తిగత కార్యక్రమాల మధ్య కూడా పౌర బాధ్యతలను మరవకూడదనే స్పూర్తిని కలిగిస్తాయని నిపుణులు అభిప్రాయపడుతున్నారు.