24k gold| స్థిరంగా బంగారం ధరలు
24k gold| స్థిరంగా బంగారం ధరలు
24k gold | కనిపించని ఇరాన్-ఇజ్రాయెల్ వార్ ఎఫెక్ట్
దుకాణాలకు కొనుగోలుదారుల పరుగు
కిటకిటలాడుతున్న జ్యువెలరీ షాపులు
పెళ్లిళ్ల సీజన్లో పెరిగిన విక్రయాలు
24k gold | ఆంధ్రప్రభ వెబ్డెస్క్ : మూడు వారాలుగా పశ్చిమాసియాలో ఇరాన్-ఇజ్రాయెల్-అమెరికా మధ్య యుద్ధం జరుగుతోంది. వార్ ఎఫెక్ట్ భారత్లో అన్ని రంగాలపై ప్రభావం చూపినా బంగారం ధరలపై మాత్రం దాని ఎఫెక్ట్ కనిపించడం లేదు. యుద్ధం కారణంగా బంగారం ధరలు పెరుగుతాయేమోనని కొనుగోలుదారులు ఆందోళన చెందారు. కానీ గత కొన్ని రోజులుగా స్వల్ప తగ్గుదల కనిపించడం, స్థిరంగా ఉండటంతో విక్రయదారులు ఆనందం వ్యక్తం చేస్తున్నారు.
దేశంలో బంగారం ధరలు మరోసారి కుప్పకూలాయి. గత కొన్ని రోజులుగా పడిపోతున్న ధరలు సోమవారం కూడా కొనసాగడంతో కొనుగోలుదారులకు కొంత ఊరట లభించింది. అంతర్జాతీయ మార్కెట్లలో చోటుచేసుకుంటున్న మార్పులు, పెట్టుబడిదారుల వ్యూహాలు వంటి కారణాల వల్ల పసిడి ధరలు ఒత్తిడిలోనే కొనసాగుతున్నాయని మార్కెట్ నిపుణులు చెబుతున్నారు. ముఖ్యంగా పెళ్లిళ్ల సీజన్ ప్రారంభమైన సమయంలో ధరలు తగ్గడం కొనుగోలు దారులకు అనుకూలంగా మారింది.
ఈరోజు మార్చి 16న, భారతదేశంలో 24 క్యారెట్ బంగారం గ్రాముకు సగటున రూ.15,930 నుంచి రూ.15,994 మధ్య ఉంది. హైదరాబాద్లో 22 క్యారెట్ గ్రాముకు రూ.14,590, 24 క్యారెట్ రూ.15,917గా నమోదైంది. గత వారం నుంచి రూ.400-500 వరకు తగ్గిన ధరలు, ఇప్పుడు మళ్లీ స్థిరపడ్డాయి.
యుద్ధం మొదలైనప్పటి నుంచి బంగారం ‘సేఫ్ హేవన్’గా ఆకర్షణీయంగా ఉన్నా, అమెరికా డాలర్ బలపడటం, ఇన్ఫ్లేషన్ భయాలు వంటి కారణాలు దాని ర్యాలీని అడ్డుకున్నాయి. గత వారం ఇరాన్ సంఘర్షణ తీవ్రమైనప్పుడు ధరలు రూ.16,300 వరకు చేరుకున్నాయి. కానీ ఇప్పుడు రూ.15,900ల చుట్టూ తిరుగుతున్నాయి. “యుద్ధం కొనసాగితే బంగారం మళ్లీ పెరిగే అవకాశం ఉంది, కానీ ఆయిల్ ధరలు పెరిగితే ద్రవ్యోల్బణం పెరిగి వడ్డీ రేట్లు ఎక్కువైతే ప్రభావం పడొచ్చు” అని మార్కెట్ నిపుణులు చెబుతున్నారు.
హైదరాబాద్లో 10 గ్రాముల 24 క్యారెట్ రూ.1,59,170 (స్వల్ప తగ్గుదల), 22 క్యారెట్ రూ.1,45,900. ఢిల్లీలో కూడా సమానంగా రూ.15,930/గ్రామ్. ఇంటర్నేషనల్ మార్కెట్లో స్పాట్ గోల్డ్ $4,992/ఔన్స్ చుట్టూ ఉంది – గత వారం $5,200 నుంచి కొంత తగ్గింది. యుద్ధం వల్ల చమురు ధరలు ఎగబాకడం, డాలర్ బలం – ఇవి బంగారం ‘స్వర్ణ’ స్థితిని కొంత అడ్డుకున్నాయి.
కానీ, దీర్ఘకాలికంగా చూస్తే? యుద్ధం మరింత తీవ్రమైతే, ఆయిల్ సరఫరా అంతరాయం వచ్చి ద్రవ్యోల్బణం పెరిగితే బంగారం మళ్లీ పెరిగే అవకాశాలు ఉన్నాయి. ఇప్పటికైతే, ఇన్వెస్టర్లు ‘బై ఆన్ డిప్స్’ స్ట్రాటజీని అనుసరిస్తున్నారు. జ్యువెలరీ మార్కెట్లో కొనుగోళ్లు సాధారణంగానే ఉన్నాయి, కానీ పెట్టుబడిదారులు హెచ్చరికతో ఉన్నారు.
