ITI Admissions | దుబ్బాక ప్రభుత్వ ఐటీఐ దరఖాస్తుల గడువు పొడిగింపు

జూన్ 30 వరకు ఆన్‌లైన్‌లో దరఖాస్తుల స్వీకరణ
పదో తరగతి ఉత్తీర్ణులైన విద్యార్థులు అవకాశాన్ని సద్వినియోగం చేసుకోవాలని సూచన

ITI Admissions | సిద్దిపేట, ఆంధ్రప్రభ : వృత్తి విద్యను అభ్యసించాలని భావిస్తున్న విద్యార్థులకు శుభవార్త. సిద్దిపేట జిల్లా దుబ్బాక ప్రభుత్వ పారిశ్రామిక శిక్షణా సంస్థ (ఐటీఐ)/ఏటీసీ 2026-27 విద్యా సంవత్సరానికి సంబంధించిన మొదటి విడత ప్రవేశాల దరఖాస్తుల గడువును ఈ నెల 30వ తేదీ వరకు పొడిగించినట్లు సంస్థ ప్రిన్సిపాల్ జి. కనకయ్య తెలిపారు. ఇంకా దరఖాస్తు చేసుకోని అర్హులైన విద్యార్థులు ఈ అవకాశాన్ని వినియోగించుకోవాలని ఆయన కోరారు.

పదో తరగతి ఉత్తీర్ణులకు అవకాశం
పదో తరగతి ఉత్తీర్ణులైన విద్యార్థులు ఐటీఐలో ప్రవేశాలకు దరఖాస్తు చేసుకోవచ్చని అధికారులు తెలిపారు. సాంకేతిక, వృత్తి విద్య ద్వారా ఉద్యోగావకాశాలను పెంపొందించుకునేందుకు ఐటీఐ కోర్సులు మంచి వేదికగా నిలుస్తాయని పేర్కొన్నారు.

ఆన్‌లైన్‌లో దరఖాస్తు
అభ్యర్థులు తమ ఎస్‌ఎస్‌సీ మెమో, బదిలీ ధ్రువపత్రం (టీసీ), ఆధార్ కార్డు తదితర ఒరిజినల్ పత్రాలతో ఆన్‌లైన్‌లో దరఖాస్తు చేసుకోవాలని సూచించారు. ఇందుకోసం తెలంగాణ ఐటీఐ ప్రవేశాల అధికారిక వెబ్‌సైట్‌ను వినియోగించుకోవాలని తెలిపారు.

దరఖాస్తు వెబ్‌సైట్
తెలంగాణ ఐటీఐ ప్రవేశాల పోర్టల్

గడువు ముగిసేలోపు నమోదు చేసుకోవాలి
దరఖాస్తుల గడువు పొడిగించినప్పటికీ చివరి నిమిషం వరకు వేచి చూడకుండా అర్హులైన విద్యార్థులు వెంటనే దరఖాస్తు చేసుకోవాలని ప్రిన్సిపాల్ జి. కనకయ్య సూచించారు. ప్రభుత్వ ఐటీఐల్లో అందుబాటులో ఉన్న వివిధ ట్రేడ్లలో శిక్షణ పొంది ఉపాధి అవకాశాలను మెరుగుపర్చుకోవచ్చని ఆయన పేర్కొన్నారు.