నేచుర‌ల్ స్టార్‌ నాని పుట్టినరోజు సందర్భంగా ఆయ‌న న‌టిస్తున్న కొత్త సినిమా హిట్-3 టీజర్ ను మేక‌ర్స్‌ రిలీజ్ చేశారు. నాని స‌ర‌స‌న శ్రీనిధి శెట్టి హీరోయిన్‌గా న‌టిస్తున్న ఈ క్రైమ్ థ్రిల్లర్ మే 1న విడుదల కానుంది. తాజాగా విడుద‌లైన టీజ‌ర్‌లో ఊహించని షాకులు బోలెడిచ్చారు. శ్రీన‌గ‌ర్ నేప‌థ్యంలో ఈ క‌థ ఉంటుంద‌ని టీజర్ చూస్తే తెలుస్తోంది. అక్క‌డ జ‌రిగే వ‌రుస హ‌త్య‌లు.. పోలీస్ ఆఫీస‌ర్ అర్జున్ స‌ర్కార్ వాటిని ఎలా ఛేదించాడు అనే కోణంలో ఈ సినిమా ఉండ‌నుంది.
ఊర మాస్ పోలీస్ గా నాని భయంక‌రంగా ఉన్నాడు. రావు రమేశ్ లాంటి ఒకరిద్దరిని తప్ప ఇత‌ర పాత్ర‌ధారుల‌ను రివీల్ చేయకుండా టీజర్ కట్ చేశారు. మిక్కీ జె మేయర్ బీజీఎం మ‌రో స్థాయిలో ఉంది. మొత్తానికి ‘హిట్ 3 ది థర్డ్ కేస్’ ఆషామాషీగా ఉండదని మాత్రం అర్థమైపోయింది. . ‘హిట్ మూవీ సీరీస్ లో భాగంగా ద‌ర్శ‌కుడు శైలేశ్ కొల‌ను మ‌రోసారి ఈ మూవీని థ్రిల్లింగ్ గ్రిప్ తో తెర‌కెక్కిస్తున్నారు.
