Capsules | ఈ విషయం మీకు తెలుసా?
Capsules | ఈ విషయం మీకు తెలుసా?
Capsules | ఆంధ్రప్రభ, వెబ్ డెస్క్: మనం తినే ఆహారంలో శాఖాహారం, మాంసాహారం ఉంటాయని తెలుసు కానీ మనం వేసుకునే మందుల్లో కూడా శాఖాహారం (VEG), మాంసాహారం (NON VEG) ఉంటాయని మీకు తెలుసా?. అవునండీ నిజం. మనం జ్వరం వచ్చినా, ఒళ్లు నొప్పులు వచ్చినా టక్కున మందు బిళ్ళలు వేసుకుంటాం. అయితే, స్వచ్ఛమైన శాఖాహారులు (Vegetarians) కూడా తమకు తెలియకుండానే మందుల రూపంలో జంతు సంబంధిత పదార్థాలను తీసుకుంటున్నారనేది కాదనలేని నిజం. మందుల తయారీలో వాడే కొన్ని పదార్థాలు జంతువుల నుంచి సేకరించినవని వైద్యులే చెబుతున్నారు.
మనం వేసుకునే క్యాప్సూల్స్ (Capsules) పైన ఉండే మెత్తని లేదా గట్టి పొర సాధారణంగా ‘జిలాటిన్’ (Gelatin) తో తయారవుతుంది. జిలాటిన్ అనేది ఆవులు, పందుల వంటి జంతువుల చర్మం, ఎముకలు , కణజాలాల నుండి సేకరించే కొల్లాజెన్ ద్వారా తయారవుతుంది. మందులు ఒకదానికొకటి అంటుకోకుండా ఉండటానికి దీనిని లూబ్రికెంట్గా వాడతారు. ఇది మొక్కల నుంచి లేదా జంతువుల కొవ్వు (Stearic acid) నుంచి తయారవుతుంది.
చాలా కంపెనీలు జంతు మూలాలనే వాడుతుంటాయి. గ్లూకోసమైన్ (Glucosamine) కీళ్ల నొప్పుల మందుల్లో వాడే ఇది ఎక్కువగా రొయ్యలు, పీతలు వంటి సముద్ర జీవుల పెంకుల నుండి సేకరిస్తారు. మాత్రలపైన మెరుపు కోసం వాడే ఈ పదార్థం ఒక రకమైన కీటకాల (Lac bugs) నుండి లభిస్తుంది. అనేక మందు బిళ్ళలు, సిరప్లలో ‘ఫిల్లర్’ లేదా బైండర్గా లాక్టోస్ను ఉపయోగిస్తారు. ఇది ఆవు పాల నుండి తయారవుతుంది. డెయిరీ ఉత్పత్తులకు దూరంగా ఉండేవారు (Vegans) దీనిని గమనించాలి.
Capsules | ఎలా గుర్తించాలి?
చాలా మందికి ఔషధాల తయారీలో ఉపయోగించే పదార్థాల గురించి అవగాహన ఉండదు. ముఖ్యంగా క్యాప్సూల్స్ విషయంలో ఈ రంగుల గుర్తులు (Dots) వినియోగదారులకు తమ ఆహార నియమాలను పాటించడంలో సహాయపడతాయి.
Capsules | ఆకుపచ్చ చుక్క (Green Dot):
ఇది ఆ ఔషధం శాకాహారమని (Vegetarian) సూచిస్తుంది. ఈ క్యాప్సూల్స్ తయారీలో హైడ్రాక్సీప్రోపైల్ మిథైల్ సెల్యులోజ్ (HPMC) అనే పదార్థాన్ని ఉపయోగిస్తారు. ఇది మొక్కల నుంచి సేకరించిన సెల్యులోజ్ ద్వారా తయారవుతుంది.
Capsules | ఎరుపు లేదా గోధుమ రంగు చుక్క (Red/Brown Dot):
ఇది ఆ ఔషధం మాంసాహార మూలాలను (Non-Vegetarian) కలిగి ఉందని సూచిస్తుంది. ఈ క్యాప్సూల్స్ జెలటిన్ (Gelatin) తో తయారవుతాయి. జెలటిన్ అనేది జంతువుల (ఎముకలు, చర్మం లేదా కనెక్టివ్ టిష్యూ) నుంచి సేకరించిన ప్రోటీన్. మార్కెట్లో లభించే చాలా సాధారణ క్యాప్సూల్స్ జెలటిన్తోనే తయారవుతాయి, ఎందుకంటే ఇవి తక్కువ ధరలో లభిస్తాయి ,త్వరగా కరుగుతాయి.
Capsules | శాఖాహారులకు ప్రత్యామ్నాయాలు ఉన్నాయా?
ప్రస్తుతం మార్కెట్లో మొక్కల నుండి (Cellulose) తయారు చేసిన ‘హెచ్.పి.ఎమ్.సి’ (HPMC) క్యాప్సూల్స్ అందుబాటులోకి వచ్చాయి. వీటిని ‘వెజ్ క్యాప్సూల్స్’ అని పిలుస్తారు. మందుల ప్యాకెట్లపై “Gelatin Free” లేదా “Vegan” అని ఉందో లేదో చూడాలి. మీరు ఖచ్చితమైన శాఖాహారులయితే, జిలాటిన్ లేని మందులను లేదా సిరప్ రూపంలో ఉన్న మందులను సూచించమని మీ డాక్టర్ను కోరవచ్చు
మందులు ప్రాణాలను కాపాడతాయి. కాబట్టి, అత్యవసర సమయాల్లో ప్రాణాపాయం ఉన్నప్పుడు శాఖాహారం, మాంసాహారం అనే వ్యత్యాసం చూడటం కష్టమే. అయితే, సాధారణ ఆరోగ్య సమస్యల కోసం మందులు వాడేటప్పుడు అవగాహన కలిగి ఉండటం వల్ల మన ప్రాధాన్యతలకు అనుగుణంగా ఎంచుకునే అవకాశం ఉంటుంది.
CLICK HERE TO READ MORE : 12to3o’clock | నిజమెంతో తెలుసుకోండి..
