కుల మతాలకు అతీతంగా బడే హజరత్ ఉరుసు ఉత్సవాలు

కుల మతాలకు అతీతంగా బడే హజరత్ ఉరుసు ఉత్సవాలు

• డాక్టర్ మొండితోక జగన్మోహనరావు

కంచికచర్ల, ఆంధ్ర‌ప్ర‌భ‌: కంచికచర్ల మండలం పెండ్యాల గ్రామం నుండి ముస్లిం సోదరులు, చందర్లపాడు మండలం తుర్లపాడు గ్రామంలో వేంచేసి ఉన్న బడే హజరత్ బాబా వారి ఉరుసు ఉత్సవాలకు తరలివెళ్లే కార్యక్రమంలో మాజీ శాసనసభ్యులు డాక్టర్ మొండితోక జగన్మోహనరావు పాల్గొని ఉత్సవాలు ప్రారంభించారు. బడే హజరత్ బాబా వారి ఉర్సు ఉత్సవాలు కులమతాలకు అతీతంగా భక్తిశ్రద్ధలతో నిర్వహించుకోవడం ఆనవాయితీగా వస్తున్న సంప్రదాయం అని డాక్టర్ జగన్మోహనరావు ఈ సందర్భంగా అన్నారు. ఈ వేడుకలో భాగంగా పెండ్యాల మునేటి తీరం నుండి ఎడ్లబండ్లలో ప్రయాణం చేసి ముస్లిం సోదరులను కలిసి ఆయన శుభాకాంక్షలు తెలియజేశారు. అనంతరం ఎంపీపీ మలక్ బషీర్ ఏర్పాటు చేసిన, మజ్జిగ, మంచినీరు బాటిల్స్ ను భక్తులకు పంపిణీ చేశారు. ఈ కార్యక్రమంలో కంచికచర్ల ఎంపీపీ మలక్ బషీర్, యం ఎఫ్, ఎంపీటీసీ బడే హజరత్, గ్రామ పెద్దలు చాన్ బహుదూర్, వైఎస్ఆర్ కాంగ్రెస్ పార్టీ నాయకులు. ముస్లిం పెద్దలు పలువురు నాయకులు పాల్గొన్నారు.