- రోడ్డు ప్రమాదంలో ఇద్దరి మృతి..
- మరో ఇద్దరికి తీవ్ర గాయాలు
కరీంనగర్ రూరల్, ఆంధ్రప్రభ : కరీంనగర్ జిల్లా నగునూరు శివారులో తీవ్ర విషాద ఘటన చోటుచేసుకుంది. ఆదివారం రాత్రి నగునూరు శివారులో రెండు బైక్‌లు ఎదురెదురుగా ఢీకొన్నాయి.. దీంతో బైక్‌లపై ఉన్న నలుగురు రోడ్డు మీద పడిపోయారు. అయితే, అదే సమయంలో అదే దారిలో వెళ్తున్న ఓ లారీ వారిపై నుంచి దూసుకెళ్లింది.
ఈ భయంకర ఘటనలో ఇద్దరు అక్కడికక్కడే ప్రాణాలు కోల్పోయారు. సుల్తానాబాద్ మండలం సాంబయ్య పల్లి గ్రామానికి చెందిన కొమ్మిడి దేవేందర్ రెడ్డి (55), చమన్ పల్లి గ్రామానికి చెందిన గూడెం రఘురాం (31) అక్కడికక్కడే మృతి చెందారు.. మృతుడు దేవేందర్ రెడ్డి భార్య హైమావతితో పాటు చామనపల్లికి చెందిన తుంటి రమేష్ లు తీవ్రంగా గాయపడ్డారు.
మరో ఇద్దరు యువకులు తీవ్రంగా గాయపడగా, వారిని వెంటనే కరీంనగర్ ఆస్పత్రికి తరలించారు. సమాచారం అందుకున్న కరీంనగర్ రూరల్ ఏసీపీ విజయ్‌కుమార్, రూరల్ ఎస్సై లక్ష్మారెడ్డి ఘ‌ట‌నా స్థ‌లాన్ని పరిశీలించి… కేసు నమోదు చేసి దర్యాప్తు ప్రారంభించారు.
