Spurious Seeds | రైతన్నకు వెన్నుపోటు
- – నకిలీ విత్తనాలతో దగా
- – నాసి వరి సీడ్ తో 180 ఎకరాల నష్టం
- – మన్నేముత్తేరి, ఆబాక రైతులు గగ్గోలు
( సూళ్లూరుపేట, ఆంధ్రప్రభ) : అన్నదాతకు అడుగడుగునా కష్టాలు వెంటాడుతున్నాయి.. ఆరుగాలం శ్రమించినా ఆర్థిక ఇబ్బందులు తప్పడం లేదు.. పంట దిగుబడులు రాక.. గిట్టుబాటు ధరలు లేక.. సిండికేట్ల మాయాజాలం.. అంతర్జాతీయ పరిణామాలు రైతులను కంటి మీద కునుకు లేకుండా చేస్తున్నాయి.. అంతేకాకుండా నకిలీ విత్తనాలు (Spurious Seeds) కొనుగోలు చేసి రైతులు నిండా నష్టాన్ని (Farmers Lossed) చవిచూసిన సంఘటనలు తరచూ చూస్తున్నాం.
Spurious Seeds | దాదాపు 180 ఎకరాల పంట పూర్తిగా
ఇదే ఘటన తిరుపతి జిల్లా సూళ్లూరుపేటలో (Sulluri Peta) చోటుచేసుకుంది. సూళ్లూరుపేట మండలంలో బీపీటీ 2782 రకం (BPT 2782 Seeds) విత్తనాలు కొని నార్లు పోసి వరి నాటుకున్న రైతులు దారుణంగా మోసపో యామంటూ లబోదిబోమంటున్నారు. సూళ్లూరుపేట మండలంలోని మన్నే ముత్తేరి (Anne Mutteri), ఆబాక (Abaka) పంచాయతీల పరిధిలో గంపలకండ్రిగ, జంగాలగుంట, పెద్దపడవ గ్రామాల వరి రైతులు తీవ్ర నష్టాన్ని ఎదుర్కొన్నారు. పట్టణంలోని ఓ ప్రైవేటు దుకాణంలో కొనుగోలు చేసిన నాసిరకం 2782 రకం వరి విత్తనాల వలన దాదాపు 180 ఎకరాల పంట (Crop) పూర్తిగా నష్టపోయిందని రైతులు అవేదన వ్యక్తం చేస్తున్నారు.
Spurious Seeds | ఇప్పటి వరకు పెట్టిన పెట్టుబడి, చేసిన శ్రమ అంతా..
సాధారణంగా 130–145 రోజులు పెరుగుదల కాలమున్న ఈ వరి జాతి (Paddy ) కేవలం 30 రోజుల్లోనే వెన్నుతీసింది. దీంతో పసిడి పంట వచ్చే దశలోనే కుంగిపోవడంతో రైతులు తీవ్ర ఆందోళనకు గురయ్యారు. ఒక్కో ఎకరాకు రూ 25 వేల రూపాయల వరకు అప్పుచేసి నారు వేసిన రైతులు ఇప్పుడు పెట్టుబడులు మట్టిపాలైపోయి వడ్డీలు మింగేస్తున్న పరిస్థితిలో ఉన్నారు. విత్తనాల నాణ్యతపై సందేహం వ్యక్తం చేస్తూ రైతులు సరఫరాదారుని (Distributor) నిలదీయగా నిర్లక్ష్యంగా (Neglected) స్పందించాడని ఆరోపిస్తున్నారు. ఇప్పటి వరకు పెట్టిన పెట్టుబడి, చేసిన శ్రమ అంతా.. వృథా అయిపోయిందని రైతులను ప్రభుత్వం ఆదుకోకపోతే మాకు చావే శరణ్యం అని బాధితులు ఆవేదన వ్యక్తం చేస్తున్నారు.
Spurious Seeds | అప్పుల పాలయ్యాం – భాస్కర్, రైతు – జంగాలగుంట
మాయమాటలు చెప్పి మంచి దిగుబడి వస్తుందంటూ మా నమ్మకాన్ని దోచుకున్నాడు. అప్పులు చేసి (Debts) విత్తనాలు కొనుగోలు చేసి పంట వేశాం… కానీ చివరకు నిరాశే మిగిలింది. విత్తనాలు కొనుగోలు Fake seeds) చేసిన దుకాణ యజమాని శ్రీధర్ రెడ్డిని విత్తనాలపై ప్రశ్నించగానే నిర్లక్ష్యంగా సమాధానం ఇచ్చాడు. అధికారులు చర్యలు తీసుకోవాలి
Spurious Seeds | దగాకోరులపై చర్యలు తీసుకోవాలి – ఆరణి విజయ భాస్కర్ రెడ్డి
బీజేపీ జిల్లా సీనియర్ నాయకుడు
రైతే రాజు అన్న నినాదంతో ప్రభుత్వాలు రైతుల అభ్యున్నతికి కృషి చేస్తున్న సమయంలో కొందరు స్వలాభం కోసం నాసిరకం విత్తనాలు విక్రయించి రైతుల భవిష్యత్తుతో జూదం ఆడుతున్నారు. ఈ ప్రాంతంలో ఇలాంటి విత్తనాల కారణంగా సుమారు 150 ఎకరాలపైగా పంటలు (Lossed in 150 acres) నష్టపోయాయి. బాధితులకు తక్షణ నష్టపరిహారం అందించాలని, దీనిపై భారత కిసాన్ మోర్చా (Kisan Morcha) కు ఫిర్యాదు చేస్తామన్నారు.
Spurious Seeds
ఆఫీసర్లకు సమాచారం ఇచ్చాం : –
కాంచన, ఏడి వ్యవసాయ శాఖ
మన్నేముత్తేరి, ఆబాక పంచాయతీ పరిధిలోని కొంతమంది రైతులు 2782 బీపీటీ విత్తనాల వల్ల నష్టం Farmers Loss) చవిచూశారని మా దృష్టికి వచ్చింది. విషయం ఉన్నతాధికారులకు సమాచారం అందించాం. త్వరలోనే ప్రత్యేక కమిటీ స్థల పరిశీలన చేసి బాధ్యులపై చర్యలు తీసుకుంటుంది.
