ఆదిలాబాద్, ఆంద్రప్రభ : రైతు బంధువు, మాజీ సీఎం కేసీఆర్‌కు పంట పొలాల్లో పుష్పాభిషేకం చేస్తూ ముఖరా(కె)గ్రామస్తులు శుక్ర‌వారం ముందస్తు జన్మదిన వేడుకలను నిర్వహించారు. పల్లెల్లో సంక్షేమ పథకాలు అందాలంటే కేసీఆర్ సారే రావాలి, మళ్లీ కారే కావాలని పంట పొలాల్లో కేసీఆర్ ఫొటోకి పుష్పాభిషేకం చేశారు. తెలంగాణ తొలి సీఎం కేసీఆర్ జన్మదిన వేడుకలను ముందస్తుగా జరుపుకున్నారు. రైతు రాజు కావాలంటే తెలంగాణకు మళ్లీ కేసీఆర్ ముఖ్యమంత్రి కావాలని, కేసీఆర్ పాలనలో ప్రతి ఇంటికీ సంక్షేమ పథకాలు అందాయని, ప్రతి రంగంలో అభివృద్ధి జరిగిందని, కేసీఆర్ ప్రవేశ పెట్టిన పథకాల ప్లకార్డులను ప్రదర్శిస్తూ బాజా భజంత్రీలు, డప్పులు వాయిస్తూ పంట పొలాల్లో జన్మదిన వేడుకలు నిర్వహించారు. కార్యక్రమంలో సర్పంచ్ గాడ్గే మీనాక్షి, ఎంపీటీసీ గాడ్గే సుభాష్, తిరుపతి, ప్రహ్లాద్, దత్త, శ్రీరామ్, మహిళలు, రైతులు పాల్గొన్నారు.
HBD | పంట‌పొల్లాలో బాపు జన్మదిన వేడుకలు …
