ఆంధ్ర‌ప్ర‌భ, వెబ్ డెస్క్: కన్నడ హీరోయిన్‌ ప్రియాంక అరుళ్ మోహన్‌ (priyanka arul mohan) సౌత్‌‌‌‌లోని టాప్ హీరోలకు జోడీగా నటిస్తూ మంచి ఫామ్‌‌‌‌లో ఉన్న ఆమె.. ‘ఓజీ’ (OG) చిత్రంలో పవన్ కళ్యాణ్‌ (Pawan Kalyan)కు జంటగా కనిపించనుంది. సుజీత్ (Sujeet) డైరెక్షన్‌‌‌‌లో డీవీవీ దానయ్య (DVV Danayya) నిర్మిస్తున్న ఈ సినిమా నుంచి శనివారం ప్రియాంక పాత్రను పరిచయం చేశారు మేకర్స్. ఇందులో ఆమె కన్మణి క్యారెక్టర్‌‌‌‌‌‌‌‌లో కనిపించనుందని రివీల్ చేశారు. అలాగే ఆమె పాత్రకు సంబంధించి రెండు స్పెషల్ పోస్టర్స్‌‌‌‌ను రిలీజ్ చేశారు. ఇందులో ప్రియాంక ట్రెడిషినల్‌ లుక్‌‌‌‌లో కనిపిస్తూ ఆకట్టుకుంటోంది.
ఈ పోస్టర్స్‌‌‌‌ను సోషల్ మీడియాలో ట్యాగ్ టీమ్ ‘ప్రతి తుఫానుకు ప్రశాంతత అవసరం దానికోసం కన్మణిని కలవాల్సిందే’ అంటూ పోస్ట్ చేయడం క్యూరియాసిటీని పెంచింది. పవన్ పోషిస్తున్న ఓజాస్ గంభీరకు భార్య పాత్రలో తను కనిపించబోతోందని తెలుస్తోంది. మరోవైపు ఈ మూవీ సెకండ్ సాంగ్‌‌‌‌ను అతి త్వరలోనే విడుదల చేయబోతున్నట్టు అప్‌‌‌‌డేట్ ఇచ్చారు మేకర్స్. ఈ చిత్రానికి తమన్ సంగీతం అందిస్తున్నాడు. సెప్టెంబర్ 25న వరల్డ్‌‌‌‌వైడ్‌‌‌‌గా సినిమా విడుదల కానుంది.
