విద్యార్థులకు ఉపకార వేతనాల ఆమోద పత్రాలు

విద్యార్థులకు రూ. 20.25 లక్షల ఉపకార వేతనాలు

మైలవరం, ఆంధ్రప్రభ: స్థానిక లకిరెడ్డి బాలిరెడ్డి ఇంజనీరింగ్ కళాశాలలో నార్త్ సౌత్ ఫౌండేషన్ ద్వారా మంజూరైన ఉపకార వేతనాల ఆమోద పత్రాలను శుక్రవారం విద్యార్థులకు అందజేశారు. విజయవాడ అధ్యాయం పరిధిలోని కళాశాలలకు చెందిన 135 మంది అర్హులైన విద్యార్థులకు విజయవాడలోని పి.వి.పి. సిద్ధార్థ ఇంజనీరింగ్ కళాశాలలో నిర్వహించిన కార్యక్రమంలో ఆమోద పత్రాలను అందజేశారు. ఇందులో ఎల్‌బీఆర్‌సీఈకి చెందిన ఆరుగురు విద్యార్థులకు 2025–26 విద్యా సంవత్సరానికి ఒక్కొక్కరికి రూ.25 వేల చొప్పున మొత్తం రూ.1.50 లక్షలు ఇప్పటికే వారి బ్యాంకు ఖాతాల్లో జమ చేశారు.

కళాశాలలో నిర్వహించిన కార్యక్రమంలో అధ్యక్షుడు జి. శ్రీనివాసరెడ్డి, ప్రిన్సిపాల్ డా. కె. అప్పారావు, ఉప ప్రిన్సిపాల్ డా. బి. రమేష్‌రెడ్డి విద్యార్థులకు ఆమోద పత్రాలను అందజేశారు. నార్త్ సౌత్ ఫౌండేషన్ ద్వారా 2025–26 విద్యా సంవత్సరానికి కొత్త, పునరుద్ధరణ ఉపకార వేతనాలు కలిపి 81 మంది విద్యార్థులకు మొత్తం రూ.20.25 లక్షలు అందినట్లు ఉపకార వేతనాల సమన్వయకర్త గూడూరు నాగిరెడ్డి తెలిపారు. విద్యార్థులు వివిధ సంస్థలు అందిస్తున్న ఉపకార వేతనాలను సద్వినియోగం చేసుకోవాలని ఆయన సూచించారు. కార్యక్రమంలో కళాశాల అధ్యాపకులు, విద్యార్థులు పాల్గొన్నారు.