SIR Voter List 2026 |ఇది చేయకపోతే మీ ఓటు గల్లంతే !
SIR Voter List 2026|ఇది చేయకపోతే మీ ఓటు గల్లంతే !
ఆంధ్రప్రభ, వెబ్ డెస్క్ : తెలంగాణ రాష్ట్ర ఎన్నికల సంఘం ఓటరు జాబితాను మరింత పారదర్శకంగా, ఖచ్చితంగా మార్చేందుకు భారీ కసరత్తును ప్రారంభించింది. ‘స్పెషల్ ఇంటెన్సివ్ రివిజన్’ (SIR) పేరుతో చేపట్టిన ఈ ప్రక్రియలో భాగంగా, ఓటరు జాబితాలో తప్పులను సరిదిద్దడం, కొత్త ఓటర్లను చేర్చుకోవడం ప్రధాన లక్ష్యంగా పెట్టుకుంది. ఈ నెల 25 నుంచి బీఎల్ఓలు ఇంటింటికి తిరిగి ఈ ప్రక్రియను చేపట్టనున్నారు.
SIR Voter List 2026| ఏమిటీ సార్ (SIR) ప్రక్రియ?
రాష్ట్రవ్యాప్తంగా ఓటరు జాబితాను సమగ్రంగా సవరించడానికి ప్రభుత్వం ఈ కార్యక్రమాన్ని చేపట్టింది. ఇందులో భాగంగా రాష్ట్రవ్యాప్తంగా 46,397 మంది బూత్ లెవల్ అధికారులు (BLOs) క్షేత్రస్థాయిలో పర్యటించి సర్వే చేపడతారు. జూలై 24 వరకు బీఎల్ఓలు మీ నివాసాలకు వచ్చి మీకు ఒక ‘ఎన్యూమరేషన్ ఫారమ్’ను అందజేస్తారు. ఆ ఫారమ్లో మీ పేరు, EPIC నంబర్, ఇంటి చిరునామా, పాత ఫోటో ముద్రించి ఉంటాయి. ఒకసారి వాటిని నిశితంగా పరిశీలించండి. ఆ ఫారమ్లో మిగిలిన వివరాలను పూర్తి చేసి, బీఎల్ఓలకు తిరిగి అందజేయాలి.
SIR Voter List 2026| ముఖ్యమైన హెచ్చరిక
ఎన్నికల సంఘం అధికారులు మీ ఇంటికి మూడుసార్లు సందర్శిస్తారు. ఒకవేళ మీరు ఆ సమయంలో అందుబాటులో లేకపోయినా లేదా ఫారమ్ అందించకపోయినా, మీ పేరు జూలైలో విడుదల కానున్న ‘డ్రాఫ్ట్ ఓటర్ జాబితా’ లో ఉండే అవకాశం ఉండదు. అంటే, మీ పేరు ఓటరు జాబితా నుండి తొలగించబడవచ్చు. ప్రతి ఒక్కరూ ఈ విషయంలో అప్రమత్తంగా ఉండాలి.
SIR Voter List 2026| ప్రాజెక్ట్ హైలైట్స్..
బీఎల్ఓలు: 46,397 మంది
ఎన్యూమరేషన్ ఫారాలు: సుమారు 4.16 కోట్లు
ప్రారంభం: జూన్ 25, 2026
డ్రాఫ్ట్ ఓటర్ జాబితా విడుదల: అధికారిక షెడ్యూల్ ప్రకారం జూలై చివరి వారంలో
SIR Voter List 2026|ఓటరు జాబితాలో పేరు ఉందో లేదో ఎలా తెలుసుకోవాలి?
మీరు ఆన్లైన్ ద్వారా కూడా మీ పేరును చెక్ చేసుకోవచ్చు. ఎన్నికల సంఘం అధికారిక వెబ్సైట్ ద్వారా వివరాలను సరిచూసుకోవడం ఎల్లప్పుడూ మంచిది. ఒక వేళ మీ వివరాల్లో మార్పులు ఉంటే, వెంటనే ‘ఫారం-8’ (Form-8) ద్వారా దరఖాస్తు చేసుకోవాలని అధికారులు సూచిస్తున్నారు. ఈ ప్రక్రియను తేలికగా తీసుకోకుండా, బీఎల్ఓలు వచ్చినప్పుడు మీ వివరాలను ఖచ్చితంగా నమోదు చేయండి. మీ ఓటు హక్కును కాపాడుకోండి.
