భారీ న‌ష్టాల‌తో మదుప‌ర్ల‌కు కుదుపు
ట్రంప్ ప్రతికార టారిఫ్ తో షేర్స్ భారీగా ప‌త‌నం
ఐటి నుంచి బ్యాంక్ షేర్ల వ‌ర‌కు న‌ష్టాలే న‌ష్టాలు
బేర్ దెబ్బ‌కు ఆర్దిక రంగం కుదేలు
ముంబై – కొత్త ఆర్థిక సంవత్సరం తొలి రోజునే దేశీయ స్టాక్ మార్కెట్లు కుప్పకూలాయి. అమెరికా సుంకాల ఆందోళనలతో సెంటిమెంట్‌ దిబ్బతిన్నది. ఈ క్రమంలో పెద్ద ఎత్తున మార్కెట్లు పతనమవుతున్నాయి. ఈద్‌ సందర్భంగా సోమవారం మార్కెట్లు పని చేయని విషయం తెలిసిందే. మంగళవారం మార్కెట్లు నష్టాలతోనే మొదలయ్యాయి. ప్రారంభంలోనే సెన్సెక్స్‌ 639.13 పాయింట్లు తగ్గి.. 76,775.79 పాయింట్ల వద్ద ట్రేడయింది. నిఫ్టీ సైతం 180.25 పాయింట్లు తగ్గి 23,339.10 పాయింట్లకు చేరింది. ఇక షేర్ మార్కెట్ ట్రేడింగ్ ముగిసే నాటికి నేడు సెస్సెక్స్ 1,307.26 పాయింట్లు న‌ష్ట‌పోయి 76,107.66 వద్ద ముగిసింది.
దీంతో నేడు ఒక్క రోజే రూ.13 ల‌క్ష‌ల సంప‌ద ఆవిరైపోయింది. ఇక నిఫ్టీ 339.50 పాయింట్లు తగ్గి 23,179.85 పాయింట్ల ముగిసింది
అమెరికా అధ్యక్షుడు డొనాల్డ్ ట్రంప్ ప్రతికార టారిఫ్‌లపై బుధవారం తుది నిర్ణయాన్ని ప్రకటించే అవకాశం ఉన్నది. ఈ క్రమంలో మార్కెట్లు తీవ్ర ఒత్తిడిని ఎదుర్కొంటున్నాయి.
అదే సమయంలో ఇన్ఫోసిస్‌, టీసీఎస్, బజాజ్‌ ఫైనాన్స్‌, హెచ్‌డీఎఫ్‌సీ బ్యాంక్, యాక్సిస్‌ బ్యాంక్, బజాజ్‌ ఫిన్‌సర్వ్‌, హెచ్‌సీఎల్‌ టెక్నాలజీస్‌, మారుతీ సుజుకీ షేర్ల అమ్మకాలతో మార్కెట్‌పై మరింత ఒత్తిడి పెరిగింది. ఇక చముర ధర పెరగడం కూడా ఓ కారణం. బ్రెంట్‌ క్రూడాయిల్‌ బ్యారెల్‌ ధర 1.51 శాతం పెరిగి 74.74 డాలర్లకు చేరుకుంది. భారత్‌ చమురు దిగుమతులపై ఆధారపతుండడగా.. చమురు ధరల పెరుగుదల మార్కెట్ల సెంటిమెంట్‌ను దెబ్బతీసింది. ప్రస్తుతం మార్కెట్‌లో బజాజ్‌ ఫైనాన్స్‌ సర్వీస్‌, హెచ్‌డీఎఫ్‌సీ బ్యాంక్, ఇన్ఫోసిస్‌, హిందాల్కో, హెచ్‌సీఎల్‌, యాక్సిస్‌ బ్యాంక్, టైటాన్‌ కంపెనీ, శ్రీరామ్‌ ఫైనాన్స్‌, టీసీఎస్ నష్టాల్లో కొనసాగుతుండగా.. ఇండస్‌ఇండ్‌ బ్యాంక్, ట్రెంట్‌, హెచ్‌డీఎఫ్‌సీ లైఫ్‌, సిప్లా, డాక్టర్‌ రెడ్డీస్‌, బజాజ్‌ ఆటో, ఓఎన్‌జీసీ, అదానీ ఎంటర్‌ప్రైజెస్‌ లాభాల్లో కొనసాగాయి.
