3 Attempts : వైట్ హౌస్లోనే షాక్ Andhra Prabha Top Story
3 Attempts : వైట్ హౌస్లోనే షాక్ Andhra Prabha Top Story
- ట్రంప్పై మళ్లీ కాల్పులు..!
- అమెరికా గుండెల్లో గన్ షాట్..!
- వైట్ హౌస్ లో గన్ గర్జన
- తృటిలో తప్పిన ట్రంప్ ప్రాణగండం
- ట్రంప్ టార్గెట్గా షూటర్..!
- అమెరికా భద్రతపై ప్రశ్నలు
- సెక్యూరిటీ షేక్
- ఇప్పటికి మూడో సారీ
( ఆంధ్ర ప్రభ, వాషింగ్టన్ ప్రతినిధి)
ఏకంగా శత్రు దుర్బేధ్యం అమెరికా వైట్ హౌస్ లో .. వేలాది మంది కరెస్పాండెంట్లు..అధికారుల సహక్షంలోనే… అమెరికా అధ్యక్షుడు డోనాల్డ్ ట్రంప్ పై .. ఓ దుండగుడు కాల్పులకు తెగబడిన ఘటన తీవ్ర సంచలనం రేపింది. ఈ ఘటనకు కారణాలు ఓ మిస్టరీ కాగా.. ప్రస్తుతం అమెరికా అధ్యక్షుడు ఓ ప్రాణగంటం నుంచి తప్పించుకున్నాడు. బహుళ అంచెల భద్రత వలయంలో .. ఈ దుండగుడి ప్లాన్ ఫలించలేదు. అతడిని భద్రత సిబ్బంది అదుపులోకి తీసుకున్నారు. అరెస్టు చేశారు. కాలిపోర్నియాకు చెందిన టీచర్ ఆఫ్ ది మంత్ గా పేరొందిన కోల్ థామస్ అలెన్ (31)గా అతడిని భద్రత దళాలు గుర్తించాయి. \ప్రపంచ వ్యాప్తంగా సంచలనం రేపిన ఈ ఘటన వివరాలు ఇలా ఉన్నాయి.
భారత కాలమానం ప్రకారం ఏప్రిల్ 26, ఆదివారం ఉదయం 6:05 గంటలకు
అమెరికా కాలమానం ప్రకారం ఏప్రిల్ 25, శనివారం రాత్రి సుమారు 8:35 గంటలకు (EDT) వాషింగ్టన్ డీసీలోని వాషింగ్టన్ హిల్టన్ హోటల్. లో ఈ కాల్పులు జరిగాయి, దుండగుడు కోల్ థామస్ సుమారు 5 నుంచి 8 రౌండ్లు కాల్పులు జరిపినట్లు ప్రత్యక్ష సాక్షులు తెలిపారు. అదృష్టవశాత్తూ ఈ ఘటనలో ఎవరూ తీవ్రంగా గాయపడలేదు. ఒక సీక్రెట్ సర్వీస్ ఏజెంట్పై కాల్పులు జరిగినప్పటికీ, అతను ధరించిన బుల్లెట్ ప్రూఫ్ వెస్ట్ వల్ల ప్రాణాపాయం తప్పింది. దుండగుడి దగ్గర ఒక షాట్గన్, ఒక హ్యాండ్గన్ , అనేక కత్తులను భద్రతదళాలు స్వాధీనం చేసుకున్నాయి.
3 Attempts : వైట్ హౌస్ లో అలజడి
సుమారు 2,600 నుంచి 3,000 మంది అతిథులు ఈ విందుకు హాజ.రయ్యారు. వీరిలో ప్రెసిడెంట్ ట్రంప్, ఫస్ట్ లేడీ మెలానియా ట్రంప్, వైస్ ప్రెసిడెంట్ జె.డి. వాన్స్, మరియు ఇతర కీలక మంత్రులు ఉన్నారు. కాల్పులు జరగగానే సీక్రెట్ సర్వీస్ ఏజెంట్లు అధ్యక్షుడు ట్రంప్ను , ఆయన మంత్రివర్గాన్ని సురక్షితంగా బయటకు తరలించారు. హోటల్ను వెంటనే సీజ్ చేసి, తనిఖీలు చేపట్టారు. బహుళ అంచెల నిఘా వలయం కారణంగా నిందితుడు ప్రధాన హాల్లోకి ప్రవేశించలేకపోయాడు. ప్రెసిడెంట్ ట్రంప్ ఈ ఘటనపై స్పందిస్తూ భద్రతా బలగాల వేగవంత చర్యలను ప్రశంసించారు. ఈ విందును త్వరలోనే తిరిగి నిర్వహిస్తామని పేర్కొన్నారు
3 Attempts : అసలు ఏమి జరిగింది ?
అమెరికాలో రాత్రి 9:17 గంటలకు (ET) (0117 GMT) ప్రాంతంలో, హోటల్ లాబీ ప్రాంతంలోని సీక్రెట్ సర్వీస్ చెక్పాయింట్పైకి అనుమానితుడు దూసుకు వెళ్లాడు. అతడి దగ్గర ఒక షాట్గన్, ఒక హ్యాండ్గన్ , అనేక కత్తులు ఉన్నాయి. అనుమానితుడు ఆ చెక్పాయింట్ గుండా పరుగెడుతుండగా, సీక్రెట్ సర్వీస్ సభ్యులు అతడిని అడ్డగించారు. ఒక సీక్రెట్ సర్వీస్ ఏజెంట్ గాయపడ్డారు. నిందితుడిని నేలపైకి నెట్టివేసి చేతులకు సంకెళ్లు వేశారు. స్థానిక ఆసుపత్రికి తరలించారు. , నిందితుడిని కూడా ఆసుపత్రికి తరలించారు.
ఆ తరువాత ట్రంప్ తన తొలి వ్యాఖ్యలు చేశారు. భద్రత అధికారులు “వేగంగా ధైర్యంగా వ్యవహరించారు” అని ఆయన అన్నారు. “షూటర్ దొరికాడు ” అని ట్రంప్ ట్రూత్ సోషల్లో పోస్ట్ చేశారు. ఈ కార్యక్రమం కొనసాగాలని తాను సిఫార్సు చేసినట్లు ట్రంప్ తెలిపారు.
సుమారు 20 నిమిషాల తర్వాత, అధికారులు తనను ఇతరులను ఆ ప్రాంగణాన్ని విడిచి వెళ్లాలని కోరారని, ఆ అభ్యర్థనను పాటిస్తున్నానని ట్రంప్ మళ్ళీ పోస్ట్ చేశారు. ఈ కార్యక్రమాన్ని “30 రోజుల్లోగా” తిరిగి నిర్వహిస్తామని ట్రంప్ చెప్పారు.
రాత్రి 10:30 గంటల (ET) (0230 GMT) ప్రాంతంలో, వైట్ హౌస్లో జరిగిన విలేకరుల సమావేశంలో ట్రంప్ మీడియాను ఉద్దేశించి ప్రసంగించారు. ఈ సమావేశంలో FBI డైరెక్టర్ తాత్కాలిక U.S. అటార్నీ జనరల్ కూడా పాల్గొన్నారు. రాత్రి 11:13 గంటల ప్రాంతంలో డిస్ట్రిక్ట్ ఆఫ్ కొలంబియా యు.ఎస్. అటార్నీ జీనైన్ పిర్రో విలేకరులతో మాట్లాడుతూ, హింసాత్మక నేరం సమయంలో తుపాకీని ఉపయోగించడం, ప్రమాదకర ఆయుధంతో ఫెడరల్ అధికారిపై దాడి చేయడం వంటి అభియోగాలతో నిందితుడిని అరెస్టు చేసినట్టు తెలిపారు.
పని తీరు అద్భుతం
ఈ సందర్భంగా సీక్రెట్ సర్వీస్ డైరెక్టర్ షాన్ కర్రన్ మాట్లాడుతూ, తమ ఏజెంట్లు “అద్భుతంగా పనిచేశారని”, వైట్ హౌస్ కరస్పాండెంట్స్ డిన్నర్ వద్ద అనుమానితుడిని త్వరితగతిన పట్టుకోవడాన్ని, తమ ఏజెన్సీకి శిక్షణ ఇచ్చిన విధానానికి ఒక ప్రధాన ఉదాహరణగా వివరించారు. రక్షణ దుస్తులు ధరించిన ఒక సీక్రెట్ సర్వీస్ ఏజెంట్పై కాల్పులు జరగడంతో ఆయనను ఆసుపత్రిలో చేర్చినట్లు తెలిపారు.
3 Attempts : అతడు మంత్ ఆఫ్ ది టీచరే
వైట్ హౌస్ లొ శనివారం రాత్రి కరస్పాండెంట్స్ అసోసియేషన్ డిన్నర్ సమయంలో అమెరికా అధ్యక్షుడిపై కాల్పులు జరిపినట్లు అనుమానిస్తున్న వ్యక్తి,ని భద్రత దళాలు అదుపులోకి తీసుకున్నాయి. దక్షిణ కాలిఫోర్నియాకు చెందిన ఒక ఉపాధ్యాయుడు వీడియో గేమ్ డెవలపర్ అని ప్రభుత్వ రికార్డుల ప్రకారం తెలుస్తోంది. లాస్ ఏంజిల్స్ శివారు ప్రాంతం టోరెన్స్లో నివసిస్తున్న 31 ఏళ్ల కోల్ టోమాస్ అలెన్ను, అధ్యక్షుడు ట్రంప్ ఇతర అధికారులు డిన్నర్ సమీపంలో అదుపులోకి తీసుకున్నారు.
అతని పేరు ఫోటోతో సరిపోలిన ఒక లింక్డ్ ఇన్ ప్రొఫైల్, అతన్ని టెస్ట్ ప్రిపరేషన్ ట్యూటరింగ్ సంస్థ C2 ఎడ్యుకేషన్లో పార్ట్టైమ్ టీచర్గా వర్ణించింది. ఆ సంస్థ సోషల్ మీడియా పోస్టుల ప్రకారం, C2 డిసెంబర్ 2024లో అలెన్ను తమ “టీచర్ ఆఫ్ ది మంత్”గా ప్రకటించింది. శనివారం రాత్రి పొద్దుపోయాక C2 ఫోన్ నంబర్కు ఎవరూ సమాధానం ఇవ్వలేదు.
అతని లింక్డ్ఇన్ ప్రొఫైల్ ప్రకారం, అలెన్ 2017లో కాలిఫోర్నియా ఇన్స్టిట్యూట్ ఆఫ్ టెక్నాలజీ నుంచి మెకానికల్ ఇంజనీరింగ్లో బ్యాచిలర్ డిగ్రీని, గత సంవత్సరం కాలిఫోర్నియా స్టేట్ యూనివర్సిటీ-డొమింగెజ్ హిల్స్ నుండి కంప్యూటర్ సైన్స్లో మాస్టర్ డిగ్రీని పొందాడు. ఫెడరల్ ఎన్నికల కమిషన్ రికార్డుల ప్రకారం, అలెన్ 2024 అక్టోబర్లో కమలా హారిస్ అధ్యక్ష ఎన్నికల ప్రచారానికి 25 డాలర్లు విరాళంగా ఇచ్చారు.
3 Attempts : ఇప్పటికి మూడో సారీ .
అమెరికా అధ్యక్షుడు డొనాల్డ్ ట్రంప్పై ఇప్పటివరకు ప్రధానంగా మూడుసార్లు ప్రత్యక్షంగా హత్యాయత్నాలు జరిగాయి.
పెన్సిల్వేనియా ర్యాలీ (జూలై 13, 2024):
పెన్సిల్వేనియా బట్లర్,లో జరిగిన ఒక బహిరంగ సభలో డోనాల్డ్ ట్రంప్ ప్రసంగిస్తుండగా థామస్ మాథ్యూ క్రూక్స్ అనే 20 ఏళ్ల యువకుడు కాల్పులు జరిపాడు. ఒక బుల్లెట్ ట్రంప్ కుడి చెవి పైభాగాన్ని తాకుతూ వెళ్ళింది. ఈ ఘటనలో ఒక ప్రేక్షకుడు మరణించాడు. , మరో ఇద్దరు తీవ్రంగా గాయపడ్డారు. నిందితుడిని భద్రతా దళాలు అక్కడికక్కడే కాల్చిచంపాయి.
ఫ్లోరిడా గోల్ఫ్ క్లబ్ (సెప్టెంబర్ 15, 2024):
వెస్ట్ పామ్ బీచ్లోని ట్రంప్ ఇంటర్నేషనల్ గోల్ఫ్ క్లబ్లో ట్రంప్ గోల్ఫ్ ఆడుతుండగా, పొదల్లో దాక్కున్న ర్యాన్ వెస్లీ రౌత్ అనే వ్యక్తి రైఫిల్తో గురిపెట్టాడు.
సీక్రెట్ సర్వీస్ ఏజెంట్లు నిందితుడిని గుర్తించి ముందే కాల్పులు జరపడంతో అతను పారిపోయాడు, తర్వాత పోలీసులు అతడిని అరెస్ట్ చేశారు. ట్రంప్కు ఎటువంటి గాయాలు కాలేదు.
తాజా కాల్పుల కలకలం ఏప్రిల్ 25, 2026):
వాషింగ్టన్ హిల్టన్ హోటల్లో జరుగుతున్న విందులో కోల్ థామస్ అలెన్ అనే వ్యక్తి భద్రతా తనిఖీ కేంద్రం వద్ద కాల్పులు జరిపాడు.
ఈ ఘటనలో ఒక సీక్రెట్ సర్వీస్ ఏజెంట్ బుల్లెట్ ప్రూఫ్ వెస్ట్ ధరించడం వల్ల ప్రాణాలతో బయటపడ్డాడు. ట్రంప్ , ఇతర ప్రముఖులు సురక్షితంగా బయటపడ్డారు.
వీటితో పాటు, 2016లో లాస్ వేగాస్ ర్యాలీలో ఒక వ్యక్తి పోలీసు ఆయుధాన్ని లాక్కోవడానికి ప్రయత్నించడం వంటి ఇతర భద్రతా ఉల్లంఘనలు మరియు అనేక మరణ హెచ్చరికలు కూడా నమోదయ్యాయి
ALSO READ : Teacher | ట్రంప్పై కాల్పుల యత్నం కలకలం
