Hero Vishal | ప్రయత్నం ఫలించేనా..?
Hero Vishal | ప్రయత్నం ఫలించేనా..?
ఆంధ్రప్రభ వెబ్ డెస్క్ : తమిళ హీరో విశాల్ సక్సెస్ ఫెయిల్యూర్ తో సంబంధం లేకుండా బ్యాక్ టు బ్యాక్ మూవీస్ చేస్తుంటారు. ఆయన ప్రతి సినిమా తమిళంతో పాటు ఖచ్చితంగా తెలుగులో డబ్బింగ్ రూపంలో వస్తుంటుంది. ఆయనకు హిట్ ఇచ్చిన పందెం కోడి సినిమా నుంచీ ఈ ట్రెండ్ కొనసాగుతోంది. ఇటీవల అనారోగ్య కారణాలతో చిన్న గ్యాప్ తీసుకున్న విశాల్… ఇప్పుడు మొగుడు టైటిల్ తో ప్రేక్షకుల ముందుకు రాబోతున్నారు. ఈ టైటిల్ పెట్టడం పై నెటిజన్లు కామెంట్స్ చేస్తున్నారు. ఇంతకీ.. ఏమని కామెంట్స్ చేస్తున్నారు..? ఈ మూవీ అయినా విశాల్ కు సక్సెస్ అందించేనా..?
ఇందులో విశాల్ కు జంటగా తమన్నా నటించింది. ఇక యోగి బాబు ఓ కీ రోల్ చేస్తున్నారు. సుందర్. సి. దర్శకత్వం వహిస్తున్న ఈ సినిమా గ్లింప్స్ తాజాగా రిలీజ్ చేశారు. ఈ గ్లింప్స్ చూస్తే.. ఇంట్లో అన్ని పనులు చేస్తూ భార్యను సంతోషపెడుతూనే మరో వైపు విలన్స్ తో వైలెంట్ యాక్షన్ చేసే మొగుడిగా విశాల్ ఆకట్టుకున్నారు. భర్తతో ఇంట్లో పనులన్నీ చేయించుకుంటూ టీవీ సీరియల్స్ చూసే భార్యగా తమన్నా కనిపించింది. సీరియల్ హీరోగా యోగిబాబు నవ్వించారు. ఈ టీజర్ అయితే.. ఇంట్రెస్టింగ్ గా ఉంది. విశాల్ ఈ సినిమా పై చాలా ఆశలు పెట్టుకున్నారు.
ప్రస్తుతం షూటింగ్ జరుపుకుంటున్న మొగుడు సినిమా త్వరలో రిలీజ్ కు రానుంది. ఇదిలా ఉంటే.. ఈ టైటిల్ తో గతంలో గోపీచంద్ హీరోగా క్రియేటీవ్ డైరెక్టర్ కృష్ణవంశీ ఓ సినిమాను రూపొందించారు. ఆ మూవీ ఫ్లాప్ అయ్యింది. ఇలాంటి ఫ్లాప్ టైటిల్ ను తన సినిమాకు విశాల్ ధైర్యంగా పెట్టుకున్నారు. దీని పైనే కామెంట్లు వస్తున్నాయి. విశాల్ తెలిసి ఈ ఫ్లాప్ టైటిల్ పెట్టారా..? లేక తెలియక పెట్టారా..? అని సోషల్ మీడియాలో కామెంట్స్ చేస్తున్నారు. యాక్షన్ ఎలిమెంట్స్ ఉంటే ఫ్యామిలీ ఎంటర్ టైనర్ గా మొగుడు సినిమా ఉండబోతోంది. మరి.. విశాల్ కు ఆశించిన విజయాన్ని అందిస్తుందేమో చూడాలి.
