కాలిన గాయాల బాధితుడికి తుమ్మల యుగంధర్ సాయం
కాలిన గాయాల బాధితుడికి తుమ్మల యుగంధర్ సాయం
ఖమ్మం, ఆంధ్రప్రభ: ఖమ్మం నగరంలోని ప్రకాష్నగర్కు చెందిన బత్తుల గోపి అనే వ్యక్తికి కాంగ్రెస్ రాష్ట్ర నాయకుడు తుమ్మల యుగంధర్ అండగా నిలిచారు. ప్రమాదవశాత్తు సాంబారులో పడి తీవ్రంగా గాయపడిన గోపి చికిత్స ఖర్చులను తన సొంత నిధులతో భరించారు.
ప్రకాష్నగర్కు చెందిన గోపి వంటపని, క్యాటరింగ్ పనులు చేసుకుంటూ కుటుంబాన్ని పోషిస్తున్నారు. మూడు రోజుల క్రితం ప్రమాదవశాత్తు సాంబారులో పడి ఆయన తీవ్రంగా గాయపడ్డారు. ఈ ప్రమాదంలో గోపి శరీరంపై సుమారు 40 శాతం కాలిన గాయాలు అయ్యాయి.
కుటుంబ సభ్యులు వెంటనే ఆయనను ఆస్పత్రికి తరలించి చికిత్స అందిస్తున్నారు. అయితే కుటుంబ ఆర్థిక పరిస్థితి బలహీనంగా ఉండటంతో వైద్య ఖర్చులు భారంగా మారాయి. దీంతో బాధితుడి కుటుంబ సభ్యులు తమ పరిస్థితిని వివరిస్తూ తుమ్మల యుగంధర్కు ఫోన్ ద్వారా సందేశం పంపించారు.తమ కుటుంబాన్ని ఆదుకోవాలని, చికిత్సకు సహాయం చేయాలని వారు కోరారు. ప్రమాదం జరిగినప్పటి నుంచి కుటుంబ సభ్యులు తీవ్ర ఆందోళనలో ఉన్నారు.
వెంటనే స్పందించిన తుమ్మల యుగంధర్
బాధిత కుటుంబ సభ్యుల నుంచి వచ్చిన సమాచారంపై తుమ్మల యుగంధర్ వెంటనే స్పందించారు. నిరుపేద కుటుంబం ఎదుర్కొంటున్న కష్టాలను తెలుసుకుని మానవతా దృక్పథంతో ముందుకొచ్చారు.గోపి చికిత్సకు అవసరమైన ఆస్పత్రి ఖర్చులను తన సొంత నిధులతో భరించారు. డబ్బుల కొరత కారణంగా చికిత్సకు ఎలాంటి అంతరాయం కలగకుండా చర్యలు తీసుకున్నారు.
ఆస్పత్రి యాజమాన్యంతో మాట్లాడి అవసరమైన వైద్య సేవలు అందించాలని సూచించారు. బాధితుడి ఆరోగ్య పరిస్థితిని ఎప్పటికప్పుడు తెలుసుకుంటూ కుటుంబ సభ్యులకు ధైర్యం చెప్పారు.సామాన్య ప్రజల కష్టాల్లో తాము అండగా ఉంటామని తుమ్మల యుగంధర్ తెలిపారు. ఆయన చేసిన సాయంపై బాధిత కుటుంబ సభ్యులు కృతజ్ఞతలు వ్యక్తం చేశారు.
వైద్యులతో మాట్లాడి ఆరోగ్యంపై ఆరా
శుక్రవారం తుమ్మల యుగంధర్ ఆస్పత్రి సిబ్బందితో మాట్లాడి, గోపి ఆరోగ్య పరిస్థితిని వైద్యులను అడిగి తెలుసుకున్నారు. చికిత్సలో ఎలాంటి నిర్లక్ష్యం ఉండకూడదని సూచించారు.బాధిత కుటుంబ సభ్యులతో మాట్లాడి ధైర్యం చెప్పారు. ఆర్థికంగా, మానసికంగా కుటుంబానికి అండగా ఉంటామని హామీ ఇచ్చారు. భవిష్యత్తులో అవసరమైన సహాయ సహకారాలు కూడా అందిస్తామని పేర్కొన్నారు.
ఇలాంటి క్లిష్ట పరిస్థితుల్లో సమాజంలోని ప్రతి ఒక్కరూ మానవత్వంతో స్పందించాలని తుమ్మల యుగంధర్ అన్నారు. ఆయన చేసిన సహాయంతో తమ కుటుంబానికి ఎంతో ఊరట లభించిందని బాధితుడి బంధువులు తెలిపారు.
నియోజకవర్గ ప్రజలంతా నా కుటుంబ సభ్యులే
ఖమ్మం నియోజకవర్గ ప్రజలందరినీ తన కుటుంబ సభ్యులుగా భావిస్తున్నానని కాంగ్రెస్ రాష్ట్ర నాయకుడు తుమ్మల యుగంధర్ అన్నారు. శుక్రవారం క్యాంప్ కార్యాలయంలో ప్రజలకు అందుబాటులో ఉండి, నియోజకవర్గం నుంచి వచ్చిన వారి అర్జీలను స్వీకరించారు.ఈ సందర్భంగా ఆయన మాట్లాడుతూ, నియోజకవర్గ ప్రజలందరూ తన కుటుంబ సభ్యులేనని తెలిపారు. కాంగ్రెస్ పార్టీ ప్రతి కార్యకర్త కూడా కుటుంబ సభ్యుడేనని అన్నారు. కుటుంబ సభ్యుల్లో ఎవరికి ఆపద వచ్చినా ముందుంటానని హామీ ఇచ్చారు.
ఏ సమయంలోనైనా ప్రతి కార్యకర్త తనను నేరుగా సంప్రదించవచ్చని పేర్కొన్నారు. రానున్న కార్పొరేషన్ ఎన్నికల్లో ప్రతి కార్యకర్త సైనికుల్లా పనిచేసి, కార్పొరేషన్పై కాంగ్రెస్ జెండా ఎగురవేయాలని పిలుపునిచ్చారు.
60కి 60 డివిజన్లు కాంగ్రెస్ పార్టీ కైవసం చేసుకునేలా అందరూ కలిసికట్టుగా పనిచేయాలని తుమ్మల యుగంధర్ సూచించారు.
