రోడ్డు ప్రమాదంలో కాంగ్రెస్ నేత మృతి..

రోడ్డు ప్రమాదంలో కాంగ్రెస్ నేత మృతి..

ఖమ్మం, ఆంధ్రప్రభ: ఖమ్మం జిల్లా కాంగ్రెస్ పార్టీలో తీవ్ర విషాదం నెలకొంది. ఖమ్మంకు చెందిన ప్రముఖ కాంగ్రెస్ నాయకుడు జావీద్ బుధవారం జరిగిన ఘోర రోడ్డు ప్రమాదంలో దుర్మరణం పాలయ్యారు. ఖమ్మం – హైదరాబాద్ జాతీయ రహదారిపై ప్రయాణిస్తుండగా, సూర్యాపేట జిల్లా పిల్లలమర్రి శివారులో ఈ ప్రమాదం చోటుచేసుకుంది. ఆయన ప్రయాణిస్తున్న వాహనం అతివేగంతో అదుపు తప్పి రహదారి మధ్యలో ఉన్న డివైడర్‌ను బలంగా ఢీకొట్టింది. సమాచారం అందుకున్న వెంటనే రూరల్ పోలీసులు సంఘటనా స్థలానికి చేరుకున్నారు. మృతదేహాన్ని వెలికితీసి, పోస్టుమార్టం నిమిత్తం సూర్యాపేట జనరల్ ఆస్పత్రికి తరలించారు.