Temple Visit | ప్రత్యేక పూజలు నిర్వహించిన డిప్యూటీ సీఎం
భక్తురాలి మనమరాలికి స్వయంగా అన్నప్రాసన
Temple Visit | ఆంధ్రప్రభ, వెబ్డెస్క్: ఆంధ్రప్రదేశ్ ఉప ముఖ్యమంత్రి పవన్ కళ్యాణ్ మంగళగిరిలోని ప్రసిద్ధ శ్రీ లక్ష్మీనరసింహ స్వామి టెంపుల్ లో ప్రత్యేక పూజలు నిర్వహించారు. ఈ సందర్భంగా పానకాల స్వామిని దర్శించుకుని ప్రత్యేక ప్రార్థనలు చేశారు.
ఆలయానికి చేరుకున్న పవన్ కల్యాణ్కు అర్చకులు వేదమంత్రాల నడుమ స్వాగతం పలికారు. అనంతరం స్వామివారిని దర్శించుకుని ప్రత్యేక పూజల్లో పాల్గొన్నారు. రాష్ట్ర ప్రజల సుఖశాంతులు, అభివృద్ధి కోసం ప్రార్థించినట్లు సమాచారం.
ఈ సందర్భంగా ఆలయానికి వచ్చిన ఓ విజయవాడకు చెందిన భక్తురాలు తన మనమరాలికి అన్నప్రాసన కార్యక్రమాన్ని పవన్ కల్యాణ్ చేతుల మీదుగా నిర్వహించాలని కోరింది. భక్తురాలి అభ్యర్థనను స్వీకరించిన పవన్ కల్యాణ్, చిన్నారికి స్వయంగా అన్నప్రాసన చేసి ఆశీర్వదించారు. ఈ దృశ్యాలు అక్కడున్న భక్తులను ఆకట్టుకున్నాయి.
పవన్ కల్యాణ్ చిన్నారిని ఆశీర్వదిస్తూ ఆమెకు మంచి ఆరోగ్యం, ఆయురారోగ్యాలు కలగాలని ఆకాంక్షించారు. ఈ కార్యక్రమం సందర్భంగా ఆలయ ప్రాంగణంలో భక్తులు పెద్ద సంఖ్యలో చేరుకుని పవన్ కల్యాణ్ను చూసేందుకు ఆసక్తి చూపారు.
