బోరుగుంతలో పడి వ్యక్తి మృతి..
మిర్యాలగూడ, ఆంధ్రప్రభ ; మండలంలోని ఊట్లపల్లి గ్రామ శివారులో గల వ్యవసాయ పొలం వద్ద ప్రమాదవశాత్తు శనివారం బోరు గుంతలో నాలుగేళ్ల బాలుడు పడిపోయాడు.బాలుడిని కాపాడేందుకు వెళ్లిన తాత వెంకన్న అదే బోరు గుంతలో ఇరుక్కుపోయాడు. స్థానికుల సమాచారంతో వెంటనే ఘటనా స్థలానికి చేరుకున్న మిర్యాలగూడ రూరల్ పోలీసులు రెస్క్యూ ఆపరేషన్ చేశారు. బోరు గుంతలోంచి తాత,మనవడిని బయటకు తీశారు. అయితే ఊపిరి ఆడక తీవ్ర అస్వస్థతకు గురైన వెంకన్న(53) ఆసుపత్రికి తరలిస్తుండగా మార్గమధ్యంలో మృతి చెందారు. బోరు గుంత ప్రమాదంలో వెంకన్న మరణించడంతో ఊట్లపల్లి గ్రామంలో విషాదం నెలకొంది.
