Congress alliance crisis | కాంగ్రెస్పై మిత్రపక్షాల అసంతృప్తి
Congress alliance crisis | కాంగ్రెస్పై మిత్రపక్షాల అసంతృప్తి
Congress alliance crisis | ఎన్నికల ఫలితాలతో ఇండియా కూటమిలో కలకలం
బెంగాల్లో కాంగ్రెస్ పునరుద్ధరణ ఆశలు
తమిళనాడులో మారుతున్న రాజకీయ సమీకరణాలు
విజయ్ వైపు మొగ్గుతున్న రాజకీయ శక్తులు
2029 ఎన్నికల ముందు ప్రతిపక్షాల్లో సంక్షోభ సూచనలు
Congress alliance crisis | తమిళనాడు, పశ్చిమ బెంగాల్ ఎన్నికల ఫలితాల తర్వాత ఇండియా కూటమి చీలిక అనివార్యంగా కనిపిస్తున్నది. ఇందుకోసం కాంగ్రెస్లోని ఒక వర్గం ఎదురు చూస్తోంది. తదుపరి ఈ కూటమి ఎటువైపు దారి తీస్తుందో చూద్దాం. ఐదు రాష్ట్రాల అసెంబ్లీ ఎన్నికల్లో వచ్చిన ఫలితాలు ఇండియా కూటమి చీలికకు దారితీసేట్టుగా ఉన్నాయి. ప్రతిపక్షాలు తిరిగి పునరేకీకరణ జరుగుతాయా అనే సందేహాలు వ్యక్తమవుతున్నాయి. 2029 సాధారణ ఎన్నికల నాటికి ప్రతిపక్షాల అస్తిత్వ సంక్షోభానికి దారి తీయవచ్చు. ఇండియా కూటమిలో చీలిక కాంగ్రెస్లో ఆనందాన్ని, విషాదాన్ని కలిగిస్తోంది. పశ్చిమ బెంగాల్లో పరిస్థితి తీసుకుంటే, అక్కడ Mamata Banerjee ఓటమి, తమిళనాడులో డీఎంకే ఓడిపోవడం వేర్వేరు కారణాల రీత్యా కాంగ్రెస్కు ఆనందాన్ని కలిగిస్తోంది.
బెంగాల్లో కాంగ్రెస్ పునరుద్ధరణ ఆశలు
బెంగాల్లో కాంగ్రెస్ తిరిగి పూర్వవైభవాన్ని పొందేందుకు అవకాశాలు మెరుగుపడవచ్చు. తృణమూల్ కాంగ్రెస్లో ఒక వర్గం తిరిగి మాతృసంస్థకు రావచ్చు. మాజీ ముఖ్యమంత్రిగా ఉన్న మమతా బెనర్జీ, ఆమె మేనల్లుడు Abhishek Banerjee ల మధ్య సంబంధాలు దెబ్బతిన్నాయి.
ప్రాంతీయ పార్టీలను దెబ్బతీయడం, లేదా చీల్చడం బీజేపీ ఎంతోకాలంగా కోరుకుంటోంది. ఆమ్ ఆద్మీ పార్టీ (ఆప్), శివసేన, నేషనలిస్ట్ కాంగ్రెస్ పార్టీ (ఎన్సీపీ)లలో చీలికలకు బీజేపీ నడిపిన తంత్రాంగమే కారణం. తృణమూల్ కాంగ్రెస్ నుంచి ఆ పార్టీ కార్యకర్తలు బయటకు రావడం తథ్యమని, అది వారాలు కావచ్చు, నెలలు కావచ్చు, ఎంత సమయమైనా కావచ్చని కాంగ్రెస్ నాయకులు అంటున్నారు.
తమిళనాడులో మారుతున్న రాజకీయ విధేయతలు
మార్క్సిస్టు వేదాంతి ఆంటోనియో గ్రామ్స్కీ ఒక సందర్భంలో రాజకీయాల్లో విధేయతలు శాశ్వతం కాదని అన్నారు. తమ ప్రయోజనాలు కలిసి రాకపోతే జనం విధేయతలను మార్చుకుంటారని, ప్రత్యామ్నాయ సిద్ధాంతాల వైపు మళ్లుతారని పేర్కొన్నారు. తమిళనాడులో ఇప్పుడు పార్టీల విధేయతలన్నీ మారుతున్నాయి. సినీనటుడు మెగాస్టార్ Vijay వైపు మళ్లుతున్నాయి. విజయ్ సామాజిక, లౌకిక న్యాయం నచ్చి ఆయన వైపు మొగ్గుతున్నాయి.
తమిళనాడులో ఇంతవరకూ డీఎంకేతో మైత్రిని కలిగి ఉన్న కాంగ్రెస్ నాయకుడు Rahul Gandhi ఒక్కసారిగా ఆ పార్టీని దూరం చేసుకుని ఇప్పుడు విజయ్ పక్షాన చేరారు. ఇది పూర్తిగా అవకాశవాద వైఖరి. 2013లో యూపీఏ కూటమిలో డీఎంకేని చేరమని బతిమలాడిన కాంగ్రెస్ ఇప్పుడు ఆ పార్టీని తన్ని తరిమేసింది. 1998లో ఇదే మాదిరిగా ఐ.కే. గుజ్రాల్ ప్రభుత్వానికి మద్దతు ఇచ్చినట్టే ఇచ్చి, తర్వాత ఆయన ప్రభుత్వాన్ని కూల్చేసింది. రాజీవ్ గాంధీ హత్య కేసులో డీఎంకే పాత్ర ఉందన్న కారణం చూపి గుజ్రాల్ ప్రభుత్వానికి మద్దతును ఉపసంహరించుకుంది.
ఇప్పుడు తమిళనాడులో కాంగ్రెస్ మరో పిల్లిమొగ్గ వేసింది. గత నెలలోనే రాజ్యసభ సభ్యత్వం తీసుకుని ఇప్పుడు డీఎంకేకి ఎదురు తిరిగింది. కాంగ్రెస్ జాతీయాధ్యక్షుడు Mallikarjun Kharge డీఎంకేతోనే ఉందామని సలహా ఇచ్చారు. ఇప్పుడు డీఎంకే నాయకులు కాంగ్రెస్పై విషం కక్కుతున్నారు.
కాంగ్రెస్కు మిత్రపక్షాల షాక్?
మమతా బెనర్జీ, Arvind Kejriwal, M. K. Stalin లు కలిసి కాంగ్రెస్ను ఏకాకి చేస్తారా అనేది చూడాలి. కాంగ్రెస్ వ్యతిరేక ఫ్రంట్ అనేది సమాజ్వాదీ పార్టీ నాయకుడు Akhilesh Yadav ఆకాంక్ష. డీఎంకే, మమతా బెనర్జీ సహా అన్ని పార్టీలు కాంగ్రెస్ నుంచి దూరం కావాలని కోరుకుంటున్నాయి. బిజూ జనతాదళ్ (బీజేడీ), వైఎస్సార్ కాంగ్రెస్, ఎన్సీపీ, పీపుల్స్ డెమోక్రాటిక్ పార్టీ మొదలైన పార్టీలన్నింటిని కలుపుకుని కాంగ్రెస్ేతర ఫ్రంట్ పరిధిని పెంచుకోవాలని చూస్తున్నాయి.
ఉత్తరప్రదేశ్ అసెంబ్లీ ఎన్నికలు వచ్చే సంవత్సరం ప్రారంభంలో జరగనున్నాయి. ఈ ఎన్నికల్లో కాంగ్రెస్తో జత కట్టాలా లేదా అనేది అఖిలేష్కు క్లిష్టమైన నిర్ణయం. అఖిలేష్ వైపు బీఎస్పీ వచ్చే అవకాశాలు లేనందున, ఆయన కాంగ్రెస్ వైపు మొగ్గు చూపవచ్చు. రాహుల్ సోదరి పొత్తుకు అనుకూలమైన వ్యక్తి కావడంతో కాంగ్రెస్తో పొత్తుకు అవకాశాలు ఉన్నాయని ఎస్పీ నాయకులు ప్రైవేట్ సంభాషణల్లో పేర్కొంటున్నారు. అయితే, రాహుల్ను నమ్మలేమని అంటున్నారు.
ఇందిరా భవన్లో కొత్త ఉత్సాహం
పశ్చిమ బెంగాల్లో మళ్లీ కాంగ్రెస్ను పునరుద్ధరించేందుకు అవకాశాలు వచ్చాయని కాంగ్రెస్లో ఒక వర్గం సంతోషాన్ని వ్యక్తం చేస్తోంది. పశ్చిమ బెంగాల్, మహారాష్ట్ర, బీహార్, ఆంధ్రప్రదేశ్, ఒడిశా, ఢిల్లీ, ఉత్తరాఖండ్, పంజాబ్ తదితర రాష్ట్రాల్లో కాంగ్రెస్ ఒంటరిగా ముందుకు సాగేందుకు అవకాశాలు వచ్చాయని ఈ వర్గం అంటోంది. అయితే, కేరళ మినహా ఎక్కడా కాంగ్రెస్కు రెండంకెలు వచ్చే అవకాశం లేదని చెబుతున్నారు. లోక్సభలో 254 స్థానాలు కలిగిన పశ్చిమ బెంగాల్, తమిళనాడు, బీహార్, ఉత్తరప్రదేశ్, ఢిల్లీ, ఒడిశా, ఆంధ్రప్రదేశ్లలో కాంగ్రెస్ ఓట్ షేర్ ప్రస్తుతం సింగిల్ డిజిట్గానే ఉంది.
ఈ సందర్భంగా ఇండియా కూటమి వాస్తవాలను దృష్టిలో ఉంచుకుని మసులుకోవాలని అంటున్నారు. రాహుల్ పెద్ద మనసు చేసుకుని మమతా బెనర్జీ, Sharad Pawar, Y. S. Jagan Mohan Reddy వంటి పాత మిత్రులను తిరిగి పార్టీలోకి రమ్మని పిలుపునివ్వాలని సూచిస్తున్నారు. 2029 నాటికి నయా కాంగ్రెస్ను ఏర్పాటు చేసేందుకు సిద్ధం కావాలని అంటున్నారు. అయితే, రాహుల్ చుట్టూ ఉన్న పరిస్థితులు అందుకు అనుకూలిస్తాయా అన్నది ప్రశ్న.
— న్యూస్ డెస్క్
