కోర్టు ప్రాంగణంలో ఘనంగా స్వాతంత్ర్య దినోత్సవ వేడుకలు

• విద్యార్థులకు పుస్తకాలు, పెన్నుల పంపిణీ

భీమ్‌గల్ టౌన్, ఆంధ్రప్రభ : 80వ స్వాతంత్ర్య దినోత్సవాన్ని పురస్కరించుకుని భీంగల్ కోర్టు ప్రాంగణంలో శనివారం వేడుకలు ఘనంగా నిర్వహించారు. భీంగల్ జూనియర్ సివిల్ జడ్జి, జ్యుడిషియల్ ఫస్ట్ క్లాస్ మేజిస్ట్రేట్ భవ్యశ్రీ జాతీయ జెండాను ఆవిష్కరించారు. అనంతరం జాతీయ గీతాన్ని ఆలపించి స్వాతంత్ర్య సమరయోధుల త్యాగాలను స్మరించుకున్నారు.

ఈ సందర్భంగా న్యాయమూర్తి భవ్యశ్రీ మాట్లాడుతూ దేశ స్వాతంత్ర్యం కోసం ఎంతోమంది మహనీయులు చేసిన త్యాగాలను ప్రతి ఒక్కరూ గుర్తుంచుకోవాలని అన్నారు. యువత దేశ అభివృద్ధిలో భాగస్వాములు కావాలని సూచించారు. రాజ్యాంగం కల్పించిన హక్కులతో పాటు ప్రతి పౌరుడు తన బాధ్యతలను కూడా నెరవేర్చాలని పేర్కొన్నారు.
విద్యార్థులకు పుస్తకాలు, పెన్నుల పంపిణీ
స్వాతంత్ర్య దినోత్సవ వేడుకల్లో భాగంగా భీంగల్ కోర్టు జూనియర్ సివిల్ జడ్జి భవ్యశ్రీ ఉన్నత పాఠశాల విద్యార్థులకు పుస్తకాలు, పెన్నులు పంపిణీ చేశారు. విద్యార్థులు క్రమశిక్షణతో విద్యను అభ్యసించి ఉన్నత లక్ష్యాలను సాధించాలని ఆకాంక్షించారు. విద్యార్థులను ప్రోత్సహించేలా పుస్తకాలు, పెన్నులు పంపిణీ చేయడం పట్ల పలువురు అభినందించారు.

కార్యక్రమంలో ఆర్మూర్ బార్ అసోసియేషన్ కార్యదర్శి పొడేటి శంకర్, సీనియర్ న్యాయవాదులు బండారు నరసయ్య, మురళీధర్, ఎలేటి గంగాధర్, సరసం చిన్నారెడ్డి, అవారి రమేష్, చైతన్య, సురేష్, బాబన్న, శ్రవణ్, మోహన్, సతీష్, మామిడి రాజేశ్వర్ తదితరులు పాల్గొన్నారు. కోర్టు సిబ్బంది, పోలీసు సిబ్బంది, జూనియర్ న్యాయవాదులు, మీడియా ప్రతినిధులు, పాఠశాల విద్యార్థులు, మడవి శ్రీనివాస్, ప్రకాష్, సుఖేష్ తదితరులు పాల్గొన్నారు. న్యాయవాదులు, కోర్టు సిబ్బంది, పోలీసు సిబ్బంది, విద్యార్థులు, మీడియా ప్రతినిధుల సమిష్టి భాగస్వామ్యంతో వేడుకలు విజయవంతంగా ముగిశాయి.