సైకిళ్లపైనే సభా మందిరానికి..
సైకిళ్లపైనే సభా మందిరానికి..
శారీరక దారుఢ్యంపై జిల్లా ఉన్నతాధికారుల వినూత్న ప్రచారం
ఆంధ్రప్రభ, శ్రీకాకుళం: పర్యావరణ పరిరక్షణ, శారీరక దారుఢ్యంపై ప్రజల్లో అవగాహన కల్పిస్తూ జిల్లా కలెక్టర్ స్వప్నిల్ దినకర్ పుండ్కర్, జాయింట్ కలెక్టర్ ఫర్మాన్ అహమ్మద్ ఖాన్ ఈ సోమవారం కూడా సైకిల్ పైనే జడ్పీ సమావేశ మందిరంలో నిర్వహించే ప్రజా ఫిర్యాదుల నమోదు, పరిష్కార వేదిక కార్యక్రమానికి చేరుకున్నారు. వారి క్యాంపు కార్యాలయాల నుండి సైకిళ్లపై నేరుగా జిల్లా పరిషత్ సమావేశ మందిరానికి చేరుకున్నారు. అక్కడ ప్రజా సమస్యల అర్జీలను స్వీకరించి, అధికారులకు దిశానిర్దేశం చేశారు. కార్యక్రమం ముగిసిన తర్వాత అధికారులిద్దరూ తిరిగి తమ తమ క్యాంపు కార్యాలయాలకు సైకిల్ పైనే ప్రయాణమయ్యారు. ప్రతి ఒక్కరూ పర్యావరణ పరిరక్షణకు, ఇంధన పొదుపునకు ప్రాధాన్యత ఇవ్వాలనే ఉద్దేశంతోనే జిల్లా ఉన్నతాధికారులు ఇలా సైకిల్ పై మూడు సోమవారాలుగా ప్రయాణించడం విశేషం.
