Sumalatha | గ్రామాన్ని అభివృద్ధి చేస్తా.. ఆశీర్వదించండి..
- ఇటుకాలపెళ్లి కాంగ్రెస్ పార్టీ సర్పంచ్ అభ్యర్థి
- మెర్గు సుమలత శ్రీనివాస్ గౌడ్
Sumalatha | నర్సంపేట రూరల్, ఆంధ్రప్రభ : ఇటుకాలపెళ్ళి గ్రామ ప్రజలు తనను ఆశీర్వదించి బ్యాటు గుర్తుపై ఓటు వేసి సర్పంచిగా గెలిపిస్తే ఇటుకాలపల్లి గ్రామాన్ని నర్సంపేట ఎమ్మెల్యే దొంతి మాధవరెడ్డి ఆశీస్సులతో ప్రభుత్వ నిధులతో అభివృద్ధి పథంలో నడిపిస్తానని కాంగ్రెస్ పార్టీ సర్పంచ్ అభ్యర్థి మెర్గు సుమలత శ్రీనివాస్ గౌడ్ ప్రజలకు హామీ ఇచ్చారు. గ్రామంలో కార్యకర్తలతో కలిసి ఇంటింటి ప్రచారం నిర్వహించారు.
ఈ నేపథ్యంలో సర్పంచ్ అభ్యర్థి మేర్గు సుమలత శ్రీనివాస్ గౌడ్ మాట్లాడుతూ… ప్రస్తుతం తెలంగాణ రాష్ట్రంలో జరుగుతున్న మూడవ సాధారణ గ్రామ పంచాయతీ ఎన్నికలలో దొంతి మాధవ రెడ్డి ఆదేశాలతో నర్సంపేట మండల కమిటీ సూచన మేరకు ఇటుకాలపెళ్లి కాంగ్రెస్ పార్టీ గ్రామ కమిటీ సభ్యులు, పార్టీ అభిమానులు, గ్రామ పెద్దల ఆశీస్సులతో ఇటుకాలపల్లి గ్రామపంచాయతీ సర్పంచ్ అభ్యర్థిగా మేర్గు సుమలతను పోటీ చేయడానికి ఏకగ్రీవంగా ఎన్నుకున్నారు.
ఈ నేపథ్యంలో సర్పంచ్ అభ్యర్థి మేర్గు సుమలత గ్రామాన్ని మరింత అభివృద్ధి పథంలోకి తీసుకెళ్లేందుకు తాను అహర్నిశలు కష్టపడతారని, గ్రామంలో మిగిలిపోయిన సీసీ రోడ్లును, డ్రైనేజీ పనులను చేపిస్తానన్నారు. అర్హులైన వారికి పెన్షన్స్, ఇందిరమ్మ ఇళ్లను ఇప్పించేందుకు తాను సిద్ధంగా ఉన్నానని ఈ సందర్భంగా తెలిపారు. గ్రామంలోని సమస్యలను తీర్చేందుకు అధికారులతో సమన్వయం చేసుకొని గ్రామాన్ని అభివృద్ధి పథం వైపు నడిపించేందుకు సిద్ధంగా ఉన్నట్లు తెలిపారు.
