TDP| కష్టపడే ప్రతి కార్యకర్తను గుర్తుంచుకుంటాం..
- సెంట్రల్ ఎమ్మెల్యే బొండా ఉమామహేశ్వరరావు
TDP| పాయకాపురం, ఆంధ్రప్రభ : పార్టీ గెలుపు కోసం కష్టపడే ప్రతి కార్యకర్తను గుర్తుంచుకుంటామని ఆంధ్రప్రదేశ్ ప్రభుత్వ విప్పు సెంట్రల్ నియోజవర్గ ఎమ్మెల్యే బోండా ఉమా మహేశ్వరరావు అన్నారు. అజిత్ సింగ్ నగర్ సెంట్రల్ టీడీపీ కార్యాలయంలో టీఎన్టీయూసీ రాష్ట్ర ప్రధాన కార్యదర్శి మొకర ఆది బాబుని రాష్ట్ర నాగ వంశం డైరెక్టర్గా నియమించారు. ఈ సందర్భంగా ఆధిబాబు శనివారం టీడీపీ అధ్యక్షుడు ఆకుల సూర్యప్రకాష్తో కలసి ఎమ్మెల్యే బొండా ఉమాను మర్యాదపూర్వకంగా కలిసి ఘనంగా సన్మానించారు. ఐతే బొండా ఉమా టీడీపీ గెలుపులో ప్రధాన పాత్ర పోషించిన ప్రతి కార్యకర్తను మదిలో ఉంచుకొని వారికి తగిన సమయంలో పదవులు అందజేస్తామని అన్నారు. అనంతరం ఆదిబాబును ఎమ్మెల్యే బొండా ఉమా శాలువతో ఘనంగా సన్మానించారు. ఇదే స్పూర్తితో నాగ వంశం అభివృద్ధికి పాటుపడాలని ఆయన కోరారు.
