TG | బీసీ జపం.. కానీ బీసీలకే వెూసం..!
- 2018 జీపీ ఎన్నికలలో కొందుర్గు మండలానికి బీసీ రిజర్వుడ్‌ గ్రామాలు 6 గ్రామ పంచాయతీలు
- 2025లో బీసీ రిజర్వుడు గ్రామాలు 4 గ్రామపంచాయతీలు
కొందుర్గు, (ఆంధ్రప్రభ) : మండలంలో సర్పంచ్‌ స్థానాల కేటాయింపుపై ప్రజలలో సర్వత్ర చర్చలు, విమర్శలు పలు ప్రశ్నలు లేవనెత్తుతున్నారు జనం. కొందుర్గు మండలంలో బీసీలకు న్యాయం చేస్తున్నామని అధికార పక్షం చెబుతున్నప్పటికి, వాస్తవ పరిస్థితులు మాత్రం భిన్నంగా ఉన్నాయని మండలంలోని ఆయా గ్రామాల ప్రజలు ఆరోపిస్తున్నారు.
2018 సంవత్సరం స్థానిక సంస్థల ఎన్నికల్లో కొందుర్గు మండలంలో 6 మంది బీసీ సర్పంచ్‌లు, బైరంపల్లి బీసీ జనరల్‌ , తంగేళ్లపల్లి బీసీ జనరల్‌, లక్ష్మీదేవిపల్లి బీసీ జనరల్‌, పులుసుమామిడి బీసీ మహిళ, గంగన్న గూడెం బీసీ మహిళ, పాత ఆగిర్యాల బీసీ మహిళ, ఇలా బీసీలకు రిజర్వు అయినవి.
అయితే తాజా 2025 రాజకీయ సమీకరణల్లో 2024 (స్పీక్‌ సర్వే) బీసీ కుల గణనలో ద్వారా న్యాయం చేస్తామని ప్రగల్బాలు పలికిన అధికార పక్షం, ప్రసంగం మాత్రం శుంక ప్రసంగాలు శూన్య హస్తాలు అనే చందంగా ,విడ్డూరంగా బీసీ సర్పంచ్‌ రిజర్వు స్థానాల సంఖ్య 4కి పడిపోవడం చాలా దారుణం. ఆ కేటాయింపులు ఇలా ఉన్నాయి.
పర్వతాపూర్‌ బీసీ జనరల్‌, లాలాపేట బీసీ జనరల్‌, ముట్పూర్‌ బీసీ జనరల్‌, విశ్వనాథ్‌పూర్‌ బీసీ మహిళ కేటగిరిలలో ఉన్నాయి. బీసీ వర్గంలో తీవ్ర అసంతృప్తికి దారి తీస్తుంది. చేసేది బీసీ జపమే.. కాని కేటాయింపుల్లో ఉన్న కొండ నాలుకకు ముందేస్తే ఉన్న నాలుక ఉడి పోయినట్టు ఉంది. ఈ రిజర్వేషన్‌ అని జనాలు చర్చించుకుంటున్నారు.
రాజ్యాదికార అవకాశాల్లో బీసీలకు మోసం జరుగుతుందని గ్రామస్తులు మండిపడుతున్నారు. బీసీ ప్రతినిద్యాన్ని తగ్గించడం వెనుక ఉన్న ఉద్దేశంపై ప్రజల్లో చర్చ జరుగుతుంది. బీసీ జనుల ప్రశ్నన ఒకటే 2018లో ఆరు మంది బీసీ సర్పంచ్‌లు, 2025లో 4 మంది మాత్రమే , ఇలాంటి పరిస్థితుల్లో బీసీలకు న్యాయం ఎక్కడ.? బీసీలు మేలుకొండి ఇప్పుడు కాకపోతే మరెప్పుడు ఇలా మోసపోతూనే ఉంటారా!
అడవిలో పులి నీ మీద ఒట్టు నేను శాకాహరిగా మారిపోయాను. ఒట్టు పెట్టుకున్న పులిని నమ్ముకున్న అమాయక గొర్రెలు రోజు ఒకటి కనుమరుగు అయ్యాయి. ఇలా మోసపోతే ఎలా బీసీ అభ్యున్నతి సాదించేది ఎన్నడు మేలుకొలుపుకు దిక్సూచి ఎవరు.! జయహో జయహో “బీసీ ‘ జర మేలుకొ వాస్తవాన్ని గ్రహించండి ఎవరు మిత్రుడు, వారు ఎవరు శత్రువులు గ్రహించండి. బీసీ .!
