మెగా 157 టైటిలిదే..
ఆంధ్ర‌ప్ర‌భ, వెబ్ డెస్క్: మెగాస్టార్ చిరంజీవి పుట్టినరోజు సందర్భంగా ఆయన అభిమానులందరికీ ఒక సర్ప్రైజ్ అందింది. ఎంతో కాలంగా ఎదురుచూస్తున్న మెగా 157వ సినిమా టైటిల్‌ను అధికారికంగా ప్రకటించారు. ప్రముఖ దర్శకుడు అనిల్ రావిపూడి దర్శకత్వంలో రాబోతున్న ఈ సినిమాకు ‘మన శంకరవరప్రసాద్‌గారు’ అనే టైటిల్‌ను ఖరారు చేశారు. ఈ సినిమాకు ఉపశీర్షికగా ‘పండగకి వస్తున్నారు’ అని పేర్కొన్నారు.
చిరంజీవి పుట్టినరోజును పురస్కరించుకుని ఈ సినిమా టైటిల్ గ్లింప్స్‌ను విడుదల చేశారు. ఈ గ్లింప్స్‌లో విక్టరీ వెంకటేష్ వాయిస్ ఓవర్ ఇవ్వడం సినీ అభిమానులను ఆశ్చర్యపరిచింది. వెంకటేష్ ఈ సినిమాలో అతిథి పాత్రలో కనిపించనున్నారని గతంలో వార్తలు వచ్చాయి. ఇప్పుడు ఆ విషయం కూడా ధృవీకరించినట్లైంది.
ఈ సినిమాలో చిరంజీవి సరసన నటి త్రిష హీరోయిన్‌గా నటిస్తున్నారు. ‘మన శంకరవరప్రసాద్‌గారు’ సినిమా వచ్చే ఏడాది సంక్రాంతికి ప్రేక్షకుల ముందుకు రానుంది. ఈ పుట్టినరోజు బహుమతి మెగా అభిమానుల్లో ఉత్సాహాన్ని నింపింది. ఈ సినిమా టైటిల్, గ్లింప్స్‌కు మంచి స్పందన లభిస్తోంది.
